Upayahon Hamu ma Manjaha Bibel Ganup Ari

Ala sibuk do hita, olo do ra gabe maol hita manjaha Bibel ganup ari. (Jos. 1:8) Molo songon i situasimuna, coba ma akka saran on:

• Bahen ma alarm. Molo dibahen hamu alarm, boi ma hamu dipaingot asa manjaha Bibel.

• Peakkon ma Bibelmuna di inganan na mura diida hamu. Molo Bibel na tercetak na dipakke hamu, peakkon ma i di inganan na mura diida hamu ganup ari.—5 Mus. 11:18.

• Bege ma rekaman audio Bibel. Boi do dibege hamu rekaman audio Bibel huhut mangulahon ulaonmuna. I ma na diulahon donganta na margoar si Tara. Sahalak ina do ibana, perintis, jala borngin do ibana karejo. Didok ibana, “Boi do toktong taratur au manjaha Bibel. Cara na hubahen, hubege ma rekaman audio Bibel huhut mangulahon akka ulaonku di jabu.”

• Unang menyerah. Molo dang boi diihutton hamu jadwal panjahaion Bibelmuna alani situasi, toktong ma jaha nanggo apala piga-piga ayat andorang so modom hamu. Nang pe holan piga-piga ayat na dijaha hamu, pasti bermanfaat do i.—1 Ptr. 2:2.