Denggan do Dijaga Ibana Keluargana

IKKON kerja keras do sahalak ama lao memenuhi kebutuhan ni keluargana, jala ikkon barani do ibana melindungi nasida. Songon i ma na diulahon si Josep sahalak tukkang hau na sian Nasaret. Berupaya do ibana gabe sahalak suami dohot ama na burju. Alai sebelum menikah, adong do situasi na borat na dihadapi ibana jala porlu do dipatudu ibana habaranion. Boasa? Diboto si Josep ma na hamil tunanganna, i ma si Maria, alai dang anak ni si Josep i. Nungnga dipatorang si Maria tu si Josep boasa hamil ibana. Alai, maol do dihilala si Josep manjalo hatorangan ni si Maria i jala dang porsea ibana. Aha do na lao diulahon si Josep?

Dung diboto si Josep na hamil si Maria, dipikkir-pikkiri ibana ma aha na lao ulahononna. Didok di Bibel, “halak na burju do si Josep” on. Diulahon ibana do na sittong, dioloi ibana do hata ni Debata, jala parasi roha do ibana. Jadi asa unang maila si Maria di jolo ni akka halak, berencana ma si Josep sip-sip lao manirakkon ibana. (Di tikki i, sarupa do ikatan ni halak naung martunangan songon halak naung menikah.) Alai, disuru Jahowa ma sada suru-suruanna lao makkatai tu si Josep marhite nipi asa unang disirakkon si Maria. Didok suru-suruan i ma, “Unang ma mabiar ho mangalap si Maria gabe dongan saripem.” Dipapos suru-suruan i ma roha ni si Josep na tutu do na didok si Maria i. Na lao gabe anak ni Debata do anakna i jala gabe Messias!

“Diulahon [si Josep] ma songon na nidok ni suru-suruan ni Jahowa.” Olo do si Josep mandalatton tanggung jawab na dilehon Jahowa i. Alai ikkon dipatudu si Josep do habaranion. Alana ikkon denggan do dijaga ibana istrina na lao manubuhon Anak ni Debata.

Piga-piga bulan dukkon i, diparettahon Kesar Agustus ma asa sude jolma mulak tu huta hatubuanna be lao mandaftarhon diri. Alani i, ikkon mulak do si Josep tu Betlehem. Sesuai tu paretta ni Kesar, ra dang pola ikkon dohot si Maria tu Betlehem. Alai tetap do diboan ibana si Maria. Uppos do roha ni si Josep molo dohot si Maria. Alana molo rap nasida na dua, gabe boi ma dijaga ibana si Maria. Jadi nang pe “nungnga jonok tikki ni si Maria” lao melahirkan, tetap do nasida lao tu Betlehem, jala dao do pardalanan tu Betlehem i. Dung sahat nasida di Betlehem, melahirkan ma si Maria jala tubu ma Jesus di kandang ni biru-biru.

Kerja keras do si Josep gabe tukkang hau lao memenuhi kebutuhan ni keluargana. Alai dang keluarga na mora nasida. Buktina, tikki lao si Josep dohot si Maria mamboan Jesus tu bagas joro di Jerusalem, holan dua anduhur do na boi dilehon nasida gabe pelean. Dang sadia leleng dukkon i, adong ma akka datu na mangihutton cahaya na songon “bintang” di langit. Ra sian Babel do akka datu i. Jala sahat ma nasida di jabu ni si Josep di Betlehem. Dilehon nasida ma akka hadiah na arga tu dakdanak i. Dung lao akka datu i, pittor ro ma suru-suruan ni Jahowa lao mandok tu si Josep asa diboan keluargana tu Mesir. Alana naeng dibunu Raja Herodes do Jesus.

Dioloi si Josep do hata ni suru-suruan i. Alai porlu do habaranion di ibana lao mangulahon i. Alana ikkon hatop do nasida lao sian Betlehem. Jadi pittor dipaboa si Josep ma i tu istrina. Di borngin i, pittor lao ma nasida jala diboan ma Jesus sian Betlehem tu Mesir. Saleleng di Mesir, dipakke ibana ma hadiah na sian akka datu i lao manuhor akka na porlu di keluargana. Dung mate si Herodes, makkatai ma Jahowa tu si Josep marhite nipi. Disuru Jahowa ma asa diboan si Josep keluargana mulak tu Israel. Alai dang mulak tu Betlehem nasida disuru, alana di tikki i jahat do raja na mamaretta disi. Jadi, gabe tu Nasaret ma nasida disuru Jahowa.

Di Nasaret, tubu ma onom nai anak ni si Josep dohot si Maria. Jala gabe tukkang hau ma muse si Josep disi, asa boi memenuhi kebutuhan ni keluargana. Alai na uppetting, diurupi si Josep do keluargana asa toktong jonok tu Jahowa. Sai diboan ibana do keluargana tu sinagoga lao marsiajar taringot Jahowa. Jala molo adong perayaan di Jerusalem, sai lao do nasida tusi. Tikki marumur 12 taon Jesus, diboan si Josep do keluargana lao tu sada perayaan di Jerusalem. Jala di tikki i, dirippu natua-tuana do na mago Jesus. Pasti khawatir do si Josep di tikki i! Alai ujungna, juppang ni si Josep dohot si Maria do Jesus di bagas joro. Dung i diboan nasida ma Jesus mulak. Jala didok do di Bibel, “toktong do dioloi [Jesus] nasida”. Di peristiwa on ma na parpudi dipaboa taringot si Josep di Bibel.

Dang adong dipaboa di Bibel tikki marumur piga taon Jesus mate si Josep. Alai tikki mangolu dope si Josep, pasti dilatik ibana do Jesus gabe tukkang hau na terampil. Alana ditanda halak do Jesus “sahalak tukkang hau”, dang holan “anak ni tukkang hau”. Gabe teladan na denggan do si Josep tu akka ama di tikkitta saonari. Lomo do roha ni Jahowa asa ditiru akka ama si Josep. Sahalak na barani do si Josep, setia, jala burju. Dijaga ibana do keluargana, dipenuhi kebutuhan ni nasida, jala diajari ibana do keluargana taringot Jahowa.

Jaha ma ceritana di:

• Mateus 1:​18-25; 2:​1-23; 13:55

• Markus 6:3

• Lukas 2:​1-7, 22-24, 41-51

Na lao dibahas:

Boha do cara ni si Josep patuduhon habaranion?

Bagas ma Parsiajari

1. 1. Si Maria do boru ni si Heli. Alai boasa ma di Lukas 3:23 didok si Josep i “anak ni si Heli”? (w17.08 32 ¶4)

   Alusmuna

2. 2. Aha do alasanna dang mangulahon seks si Josep dohot si Maria sebelum tubu Jesus? (w03 15/12 5 ¶5-wcgr)

   Alusmuna

3. 3. Aha do buktina na pekerja keras si Josep? (ia 166-167 ¶15-18) A

   Alusmuna

   

4. 4. Boasa boi tadok naung mate si Josep tikki poso hian dope Jesus? (w17.07 11 ¶8, surat na di toru)

   Alusmuna

Pikkirhon ma Aha Parsiajaranna

• Sai dioloi si Josep do Jahowa nang pe dang sai mura lao mangulahon i. Aha do na boi ditiru akka natua-tua sian si Josep? (Mat. 1:​20, 24; 2:​13-15, 19-21)

  Alusmuna

• Sai diajarhon si Josep do taringot Jahowa tu keluargana. Aha do na boi tatiru sian i? (Luk. 2:41) B

  Alusmuna

  

• Songon dia do muse caramuna maniru habaranion ni si Josep?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Aha do na lao husukkun annon tu si Josep molo nungnga dipahehe ibana?

  Alusmuna

Ida ma Muse on

Sian video on, parrohahon ma songon dia si Josep mangulahon aha na dipangido Jahowa sian ibana.

“Diulahon Ibana ma Songon na Nidok ni Suru-Suruan ni Jahowa” (4:39)

Aha do na boi tatiru sian si Josep dohot si Maria tikki adong peraturan sian pamaretta na tahilala dang adil manang mambahen lam susa ngolutta?

“Rade do Hamu ‘Mangoloi’”? (w23.10 8-10 ¶9-14)