‘Mangulahon na Sittong do Nasida di Jolo ni Debata’

SAHALAK malim do si Sakaria, jala keturunan ni si Aron do ibana. Di sada tikki, mandapot tugas na massai penting ma si Sakaria di bagas joro, i ma manutung dupa di mezbah na sian mas. Ra, holan sahali on do ibana mandapot tugas on saleleng ni ngoluna. Alani i, tugas na istimewa do on. Pasti marlas ni roha do si Sakaria dohot istrina si Elisabet di ari i.

Nungnga martaon-taon si Sakaria dohot si Elisabet menikah, jala nungnga godang pasu-pasu na dijalo nasida. Alai sai berharap do nasida asa boi marianakkon. Alana, sada tihas do di halak Israel molo dang marianakkon. Hape, nungnga matua si Sakaria dohot si Elisabet. Hira na so mungkin do boi nasida marianakkon. Alai nang pe songon i, torus do martangiang nasida tu Debata. Pos do roha ni nasida na ditangihon Jahowa do tangiang ni nasida i. Alani i ma didok di Bibel “halak na mangulahon na sittong do nasida na dua di jolo ni Debata”.

Bayakkon ma na masa di ari tikki martugas si Sakaria lao manutung dupa di mezbah. Masuk ma ibana tu bagas joro, jala nga godang halak na martangiang di luar. Dung di bagas joro i ibana, toppu ma jongjong sada suru-suruan ni Debata di jonok ni mezbah i. Dipaboa suru-suruan i ma tu si Sakaria naung ditangihon Jahowa tangiangna. Jala lao ditubuhon si Elisabet ma di ibana sada anak. Jala ikkon dibahen nasida do goar ni dakdanak i si Johannes. Didok suru-suruan i do muse, dung magodang dakdanak i lao jaloonna ma huaso “songon huaso ni si Elia”. Nungnga dipillit Jahowa si Johannes on lao mangulahon tugas na istimewa. Ibana ma na lao mangurupi halak Israel mulak muse tu Jahowa.

Alai dang porsea si Sakaria tu hata ni suru-suruan i. Didok ibana, “Sian dia ma botookku na tutu i masa?” Sasittongna, dang adong alasan ni si Sakaria dang porsea tu hata ni si Gabriel i, alana suru-suruan ni Jahowa do si Gabriel. Alani i, gabe dipasingot suru-suruan i ma ibana. Didok, “Si Gabriel do au. Au do suru-suruan na jongjong di jolo ni Debata.” Jala didok si Gabriel gabe bisu nama si Sakaria sahat tu na saut janji ni Jahowa i. Jadi tikki kaluar si Sakaria sian bagas joro, dang boi be ibana makkatai. Alani i, dibahen ibana ma isyarat mamakke tanganna lao paboahon tu halak na disi aha na masa tu ibana.

Dukkon i, dipaboa si Sakaria ma tu si Elisabet na lao adong anak ni nasida. “Dang sadia leleng”, hamil ma si Elisabet. Saleleng lima bulan, dang hea kaluar ibana sian jabu jala dang pajuppang dohot halak na asing. Alai tikki hamil onom bulan ibana, ro ma sepupuna manjuppangi ibana, i ma si Maria boru ni si Heli na sian Nasaret. Tikki dibege si Elisabet soara ni si Maria, pittor manggunjal ma anak na adong di bagasan bortian ni si Elisabet alani las ni rohana. Laos di tikki i, digohi tondi parbadia ma si Elisabet. Diboto ibana ma na hamil si Maria, jala lao gabe Messias do anak na adong di bagasan bortian ni si Maria i. Alani i, dijou si Elisabet ma si Maria “omak ni Tuanki”. Sian hata ni si Elisabet i tarida ma, dang cemburu ibana tu si Maria. Gariada, didukung jala dipatogu si Elisabet do si Maria asa boi marhasil mangulahon tugas na dilehon Jahowa i.

Dung melahirkan si Elisabet, ro ma akka keluarga dohot akka tetanggana manjuppangi ibana. Dijujui nasida do asa dibahen si Elisabet goar ni dakdanak i sarupa songon goar ni si Sakaria. Alai diingot si Elisabet do hata ni si Gabriel tu suamina na mandok, “Bahen ma goarna si Johannes.” Alani i, dang dioloi si Elisabet hata ni nasida i. Didok ibana, “Dang i goarna! Ikkon si Johannes do bahenon goarna.” Dang setuju nasida tu si Elisabet. Jadi disukkun nasida ma tu si Sakaria ise do dipangido rohana bahenon goar ni dakdanak i. Ala dang boi makkatai si Sakaria, disuratton ibana ma goar i di sada papan, “Si Johannes do goarna.” Laos di tikki i, boi ma muse si Sakaria makkatai.

Dukkon i, digohi tondi parbadia ma si Sakaria jala dipaboa ibana ma hata ni Debata tu akka halak na adong disi. Didok si Sakaria do, na lao patuduon ni Jahowa do asi ni rohana jala paluaonna naposona. Taringot si Johannes disurirakkon si Sakaria do, na lao parjolo do si Johannes “mardalan sian Jahowa lao paradehon dalanna”. Tutu do hatana i. Sebelum dimulai Jesus pelayananna jala dipasahat ibana barita taringot Harajaon ni Debata, diurupi si Johannes Pandidi do akka halak asa rade manangihon barita i.

Balga hian do perubahan na lao dibahen Jesus taringot tu cara ni naposo ni Debata maradoppon akka halak na so porsea dohot akka musu ni Jahowa. Sebelumna, godang do naposo ni Debata na patuduhon habaranion marhite marporang mangalo akka musu ni Jahowa. Alai dung ro Jesus, dang dipaloas Jahowa be akka naposona marporang. Nang pe songon i, tetap do ikkon dipatudu nasida habaranion. Songon dia carana? Akka halak na porsea tu Jesus, ikkon barani do lao paboahon taringot Debata Jahowa jala pasahatton barita na uli taringot Jesus Kristus, songon na diulahon si Sakaria dohot si Elisabet.

Jaha ma ceritana di:

• Lukas 1:​5-25, 36-45, 57-80

Na lao dibahas:

Boha do cara ni si Sakaria dohot si Elisabet patuduhon habaranion?

Bagas ma Parsiajari

1. 1. Dang jolma na sempurna si Sakaria dohot si Elisabet, alai boasa didok di Bibel “dang adong siissakan di nasida”? (Luk. 1:6; it “Dang Adong Siissakan” ¶2-wcgr)

   Alusmuna

1. 3. Didok si Gabriel do asa dibahen si Sakaria goar ni anakna si Johannes. Aha do sebenarna lapatan ni goar i? (it “Si Johannes” ¶1-wcgr)

   Alusmuna

2. 4. Na gabe bisu do si Sakaria jala dang boi marbinege? (w08 15/3 30 ¶6-wcgr)

   Alusmuna

Pikkirhon ma Aha Parsiajaranna

• Di jaman ni si Sakaria, dipaloas akka guru agama ni halak Jahudi do sahalak bawa manirakkon istrina molo dang boi istrina i marianakkon. Alai tetap do setia si Sakaria tu istrina. Aha ma na boi ditiru akka suami sian si Sakaria? B

  Alusmuna

  

• Dang olo si Elisabet mangihutton hata ni keluarga dohot tetanggana. Gariada, setia do ibana mendukung keputusan na dibahen suamina. (Luk. 1:​58-61) Aha ma na boi diparsiajari akka istri sian si Elisabet?

  Alusmuna

• Songon dia do caramuna maniru habaranion ni si Sakaria dohot si Elisabet?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Aha do na lao husukkun annon tu si Sakaria dohot si Elisabet molo nungnga dipahehe nasida?a

  Alusmuna

Ida ma Muse on

Ida ma aha na masa dung boi muse si Sakaria makkatai, jala songon dia ibana mamuji Debata.

“Si Johannes do Goarna” (6:59)

Songon dia do si Maria mandapot gogo sian Jahowa tikki manjuppangi si Elisabet? Jala aha do na boi taparsiajari sian i?

Bahenon ni Jahowa ma Hamu Margogo (w23.10 14-15 ¶10-14)