CARA ASA UNANG SAI MARSAK
Godang do Beban Pikkiranmuna?
“Sude do jolma hea marsak. Alai huhilala massai borat do sitaonokku. Alana dang holan sada na ikkon hupikkiri, godang do. Dang dope ikkon huurus suamikku na marsahit-sahit jala na marsahit mental saleleng martaon-taon.”—Si Jill.a
“Ditinggalhon istrikku do au. Gabe holan sahalakku nama na pagodang-godangkon dua gellengku. Susa hian do huhilala. Na paling parah muse, dang adong be karejokku jala dang adong be hepengku lao padenggatton mobilnami. Dang huboto be boha bahenon. Nga marsak hian au. Huboto do sala bunu diri. Jadi hupangido ma tu Debata asa dibuat hosakkon.”—Si Barry.
Hea do hamu marsak manang stres, songon si Jill dohot si Barry? Molo hea, boi do majalah on mangapuli jala mangurupi hamu. Dipaboa do di majalah on, aha do na jotjot mambahen hita gabe marsak, aha do pengaruhna tu kesehatanta molo sai marsak hita, jala boha ma carana asa moru arsak ni rohatta.
a Piga-piga goar nungnga digatti.