Aha do Stres i?

Reaksi ni dagingta do stres i tikki mangadopi tekanan. Tikki stres hita, gabe kaluar ma sian otakta akka hormon na boi mambahen gabe lam hatop detak jantungta, tekanan darahta, hosatta, jala gabe tegang ma ototta. Jadi nga rade be pamatangta on mangihutton paretta sian otakta lao mangadopi tekanan i. Dung salpu tekanan i, mulak songon na somal ma muse dagingta.

MANFAAT DOHOT BAHAYA NI STRES

Reaksi ni dagingta do stres i asa boi hita mangadopi tekanan manang situasi na berbahaya. Tikki adong tekanan, otakta do na parjolo karejo. Boi do on mambahen hita gabe lam hatop karejo, lam berupaya mencapai tujuan, manang lam denggan mangulahon akka ulaonta. Misalna tikki ujian, wawancara kerja, manang tikki dohot di pertandingan olahraga.

Alai berbahaya do molo pajotjottu manang palelengku hita stres. Alana boi do i mambahen hita gabe marsahit, mura-mura muruk, mura-mura tangis, mura-mura lupa, maol berkonsentrasi, jala sai busisaon. Muba ma muse parangetta dohot caratta maradoppon halak na asing. Halak na palelengku stres, jotjot do mangalului cara na so denggan lao pasidikkon i. Misalna mabuk, marisap, marnarkoba, pagodangku mangan, manang na asing. Bahkan boi do i mambahen nasida gabe depresi, dang semangat lao mangulahon manang aha pe, manang gabe tarpikkir lao bunu diri.

Marasing-asing do pengaruh ni stres tu ganup halak. Alai boi do stres mempengaruhi sude dagingta on jala boi do i mambahen hita gabe marsahit.