Bana ñem ngui, u téñbe ki i gwélél Yéhôva kiki Bénaya

Bénaya a bé njogwét nu a bééna ñem ngui, a bi sal isi énél i Kiñe David ni Kiñe Salômô. Biprisi ni Lôk Lévi bi bé gwélél bé bijôl bi gwét, ndi Bénaya nye a bé gwélél gwo, a kenek i gwét hiki ngéda. A bi yoñ ngaba ikeñi mu gwét bi Yéhôva, a unda ñem ngui kiyaga. Kiki hihéga, kel yada, a bi jôp ikétékété bee, a nol mbondo njéé nyoo. A bi nol ki mbôñgô mut wada u u béna likoñ. David a bé bôdôl Bénaya ñem kiyaga, jon a bi téé nye le nyen a ba ñane batat kiñe.​—2 Samuel 23:​20-23.

Bénaya a bi téñbe i nit David, yak i ngéda Absalôm ni Adôniya ba bi tonbana nye. (2 Samuel 8:18; 15:18; 1Bikiñe 1:8) Yak i ngéda David a bi un, i pam nano le a téé Salômô kiñe, Bénaya a bé ha inyu nit nye kiki lem. (1Bikiñe 1:​32-40) Ñ, Bénaya a bi téñbe ni Yéhôva, yak ni minhook nwé, tolakii bape ba bé boñ bé hala.

Yak bés, di gwé ngôñ ni ñem ngui inyu jôs ñoo wés nunkeñi le Satan ni i bet ba nit nye. Di téñbe i nôgôl matiñ ma Yéhôva. (Éfésô 6:11; 1 Pétrô 5:​8, 9) To ibale bape ba nkôm Yéhôva mbus, bés di ntéñbe ni nye di bak nkwoog nkaa le a ga sayap bés.​—2 Samuel 22:26.