Yésu a ga mélés gwét

I ngéda Yésu a bé hana hisi, a bi éba le a ngwés bôt ba binam ngandak, kayéle a bi ti niñ yé kiki sesema inyu yap. (Matéô 20:28; Yôhanes 15:13) Ndék ngéda, a ga témb a éba gwéha yé inyu bôt ba binam, mu kiki a ga gwélél ngui yé kiki Kiñe i Ane Djob inyu “mélés gwét i nkoñ ’isi wonsôna.”​—Tjémbi 46:9.

Di béñge lelaa Bibel i ntoñle bés i yom Yésu a ga boñ:

• “Inyule a ga sôñ hiyeyeba hi hi mbat mahôla, a ga sôñ ki yañga mut, yak nu ni nu a gwé bé mut a nhôla nye. A’ kônôl yañga mut ni hiyeyeba ngoo,a’ tohol ki ngoo bôt. A’ sôñ bo i moo ma bôt ba ntét.”​—Tjémbi 72:12-14.

Lelaa di nla éba le di ndiihe i mam momasôna Yésu a mbôñôl bés nano ni ma a ga bôñôl bés dilo dilo? Njel yada inyu éba hala i yé le, di yéñ yi kii i yé toi “ñañ nlam u Ane Nyambe,” inyule i nwin u won Yésu a bé añal. (Lukas 4:43) Añ unu nkwel le, “Kii i yé Ane Djob?”