Baa Mbôgi Yéhôva i yé ngim ntôñ makañ?

To, Mbôgi Yéhôva i ta bé ngim ntôñ makañ. Ndi, di yé bikristen bi bi mboñ biliya i noñ ndémbél i Yésu Kristô, di niñik ki inoñnaga ni biniigana gwé.

Ntôñ makañ, wee kii?

Buk ini le “ntôñ makañ” i gwé ngandak ngobol inoñnaga ni litehge li bôt. Ndi, di wan ngobol iba i ntôl ngandak, ni inyuki bi mbéñge bé bés.

• Inyu bôt bahogi, “ntôñ makañ” u nla ba base mondo tole base i i bi kôm bibase bipe mbus. Mbôgi Yéhôva i bi bot bé base i mondo. Maselna ni hala, di noñ ndémbél i bikristen bi hiai bisu, bi, ndémbél ni biniigana bi nlébna ikété Bibel. (2 Timôtéô 3:​16, 17) Di nhoñol le, inyu jam li base, Bibel yon i nlama kit inyu kii i téé sép tole kii i téé bé sép.

• Inyu bôt bape, ntôñ makañ u yé béba base i i gwé mut binam kiki nkena. Mbôgi Yéhôva i noñ bé ngim mut kiki ñéga. Di ñon litiñ lini Yésu a bi yigle banigil bé le: “Wada nyen a yé ñéga nan, le Kristô”​—Matéô 23:10.

Haa ngandak ni ba ngim ntôñ makañ, base i Mbôgi Yéhôva i yé nseñ inyu bet ba yé mu ni inyu bôt bobasôna. Kiki héga, nson wés u likalô u hôla ngandak bôt i yémbél bilem bibe, kiki ôt siga tole lihua. Ikété nkoñ ’isi wonsôna, di niiga bôt i añ ni i tila. Ni ki le ngéda bikuu bikeñi bi nkwo, di nti bôt ba mahôla. Di nliya i lémés niñ i mut wés libôk, kiki Yésu a bat banigil bé le ba boñ.​—Matéô 5:​13-​16.