Baa me nla soohe bapubhaga?

Ndimbhe i Bibel

To. Bibel i nkal le Djob nyetama nyen di nlama soohe ni njel Yésu. Yésu a bi kal banigil bé le: “Jon haana nyen ni nlama soohe: “‘A Tata wés nu a yé i ngii, jôl joñ li tééba lipubi.” (Matéô 6:9) Kekikel Yésu a bi niiga bé banigil bé le ba soohe bapubhaga, biañgel tole mut numpe handugi Djob.

Yésu a bi kal ki banigil bé le: “Men me yé njel, me yé maliga, me yé ki niñ. Mut to wada a nlo bé yak Tata handugi ni njel yem.” (Yôhanes 14:6) Djob a bi yoñ bitelbene le ndik ni njel Yésu nyen di nla kôôge nye bebee.​—Lôk Héber 7:25.

Baa me nla soohe Djob me soohege ki bapubhaga?

Mu Jôm li mambén Djob a bi ti bon ba Israel, yada i bé kal le: “Me Yéhôva Nyambe woñ, me yé Nyambe nu sôñ.” (Manyodi 20:5) Ngéda Bibel i nkal le Yéhôva a yé Nyambe “nu sôñ”, hala a nkobla le kii? Matila isi lipep li ngobol Bibel ini le New American Bible ma ñéba le hala a nkobla le a “mbat le ba bégés ndik nyetama.” Djob a mbat le ndik nyetama nyen di nlama bégés ni soohe.​—Yésaya 48 :11.

Ndik Djob nyen di nlama soohe, he bapubhaga bé to biañgel. Ngéda ñôma Yôhanes a bi noode bégés añgel yada, i añgel i i bi tjél, i nkal le : “U boñ bañ hala ! Me yé ndik so nkol woñ ni u lôkisoñ i i ngwel nson i bok mbôgi inyu Yésu. Bégés Nyambe!”​—Masoola 19 :10.