Baa Mbôgi Yéhôva i yé oda i nlôl Amérika?

Hikuu hikeñi hi ntôñ wés hi yé i Amérika. Ndi, di ta bé oda i nlôl Amérika inyu manjom mana:

• Bôt bahogi ba nkal le oda i yé ntôñ bôt u u mbagla ni ntéak base. Ndi Mbôgi Yéhôva i bi nyodne bé ikété base to yada. Di nhoñol yak le bés bon di bi tiimba téé base i bikristen kiki i bé i hiai bisu.

• Mbôgi Yéhôva i ntéé likalô ikété biloñ bi nloo 230. To di niñ ikété imbe loñ, di nôgôl ndugi mambén ma Yéhôva Djob bo Yésu Kristô, ha mambén ma ngomin Amérika bé, to ma ngomin numpe munu nkoñ isi.—Yôhanes 15:19; 17:15, 16.

• Biniigana gwés gwobisôna bi nlôl ikété Bibel, ha bé ikété bitilna bi ngim mbôkna base i Amérika.​—1 Tésalônika 2:13.

• Di noñ Yésu Kristô, ha mut binam bé.​—Matéô 23:8-10.