Njee a bi bot base nan?

Munu hiai hini, ñañ u ntôñ u Mbôgi Yéhôva u bi bôdôl ngéda ñwii 1900 u bi kôôge bebee. Ha ngéda i, ndék banigil Bibel i i bé niñ i tison i Pittsburgh, i Pennsylvania, i loñ i Amérika, i bi bôdôl tibil tém biniigana bi Bibel. Ba bi hégha biniigana bi bibase lôñni i jam Bibel i niiga toi. Ba bi bôdôl pémés i mam ba bé nigil ikété bikaat, matila ma balegel mañwin, ni ikété i mbamble di nsébél i len ini le Nkum Ntat—U ñañal Ane Yéhôva.

Nnigil Bibel wada mu ipôla yap, a bééna jôl le Charles Taze Russell. To hala kiki Russel nyen a bi éga bôlô i tjam biniigana bi Bibel ha ngéda i, a bak yak mut matila nu bisu nu mbamble le Nkum Ntat, a bi bot bé base i mondo. Ngôñ i Russel ni i banigil Bibel bape, kiki ba bé sébél bo ha ngéda i, i bé le ba hôñôs biniigana bi Yésu Kristô, ni noñ maboñok ma bikristen bi hiai bisu. Kiki Yésu nyen a bi bot base i bikristen, bés di ntehe le nyen a bi bot ntôñ wés.—Kôlôsé 1:18-20.