Di nhôla bôda ba nkôs ndééñga

Yigil yada i yé mu jw.org ni hop Pulasi le “La sécurité des femmes : Ce qu’en dit la Bible,” hala nyen i mbôdôl. Lien yada i yé i lisuk li yigil i, ibale u nhihe yo, u nla yoñ i yigil i mu kei yoñ, u nla yak pémés yo; i yé tract i gwé mapep ma-na. Sita yada i Amérika le Stacy a nkal le: “Me bi pémés tract ihogi mu, me ni sita ipe di kena yo i homa bôda ba nkôs ndééñga ba nkôhna mahôla mu nkoñ wés.”

Muda wada nu a bé sal nyoo, a bi bat too lôk kéé i bé le i ti nye tract ipe mu, inyu boñ le a kap yo nyoo. Lôk kéé i bi kônde nye 40 ma tract, ba ti ki 30 ma cartes de visite. I mbus ngéda, i mut a bé ane nyoo a bat le ba loo ba unda i bôda ba lelaa ba nla nigil Bibel.

Stacy ni bisita biba bipe ba bi témb ba sal hala homa numpe, ba ti tract itan, ba bat bo tract ipe. Muda wada nu a bé sal nyoo a bi kal le: “I tract ini i ga hôla i bôda ba yé hana.” A kal ki le: “I yéne bés nseñ ngandak.” I mbus ngéda, ngandak bôda i bi yén inyu tehe lelaa yigil Bibel i ntagbe, iba ba kal le ba nsômbôl ke i likoda li mamélél ma sonde li noñ ha.

Stacy a nkal le: “Di bi hel i ngéda di bi tehe lelaa bôt ba bé maséé i kôhna i tract i. I ngéda di mpémés yo, di yé maséé i gwélél yo inyu añle i bôda bana ba nkôs ndééñga ñañ nlam. Ba bi leege yo loñge le! Hala a tihba bés. Di gwé toi ngôñ i tehe lelaa Yéhôva a ga kônde sayap nson di nsal inyu hôla i bôda ba.”