Ti Yéhôva bo Yésu mayéga inyu mam ba bi bôñôl we

Kii u yé u nôdga i ngéda liwanda joñ li nlona we likébla li u bemek bé? U yé u mba maséé ni likébla li, u gwéhék ki éba liwanda joñ le li nlémél we. Yéhôva bo Yésu ba bi ti bés likébla li li nloo makébla momasôna. Likébla li, li yé kii? Lelaa u nla éba le u nkon maséé ni jo?

1. Kii di nla boñ inyu éba Djob bo Yésu le di nti mayéga inyu jam ba bi bôñôl bés?

Bibel i mbôn le “hiki mut a ñunda le a nhémle [Yésu]” a nla bana niñ boga. (Yôhanes 3:16) I unda le di nhémle Yésu, i nkobla le kii? Hala a nkobla ndik bé le di yi le a yé Man Djob. Ndi, di nlama yak éba le di nhémle Yésu mu makidik di nyoñ ni mu maboñok més. (Yakôbô 2:17) I ngéda di ñéba hémle yés ni njel maboñok més ni bipôdôl gwés, di nyila mawanda ma bas bas ma Yésu bo Isañ, Yéhôva.—Añ Yôhanes 14:21.

2. Imbe ngéda tôbôtôbô di nla unda Yéhôva bo Yésu le di nti bo mayéga?

I u ilole a nwo, Yésu a bi boñ jam lipe li li bé lama tinde banigil i ti mayéga. I kel i nyen a bi téé jam li tôbôtôbô Bibel i nsébél le “Bilôp bi Nwet,” tole Mbigda i nyemb Yésu. (1 Korintô 11:20) Yésu a bi téé i jam li, inyu boñ le baôma ni bañga bikristen yosôna i i bé lama lo i mbus ngéda i kee ni bisu i hoñol i jam a bi bôñôl bo. Inyu jam li nyen Yésu a ti oda ini le: “Kena ni bisu i boñ hala, ni hoñlege me mu.” (Lukas 22:19) I ngéda u nlo i Bilôp bi Nwet, u ñéba u le nti mayéga inyu gwéha ikeñi Yéhôva bo Yésu ba bi unda bés.

KÔNDE TÉM

3. I yom di nla boñ inyu éba le di nti mayéga

Hégda le mut a nsôñ niñ yoñ. Baa w’a hôya mut nu? Tole w’a yéñ manjel inyu éba mut nu le u yé maséé ni yom a mbôñôl wé?

Yéhôva a bi somb biniñ gwés. Añ 1 Yôhanes 4:8-10, i mbus ni kwélél mambadga mana:

• Inyuki sesema Yésu a bi ti i yé likébla li tôbôtôbô?

• Kii u nôgda i ngéda u nhoñol i jam Yéhôva bo Yésu ba bi boñ inyu yoñ?

Kii di nla boñ inyu éba Yéhôva bo Yésu le di nti mayéga inyu jam ba bi bôñôl bés? Añ 2 Korintô 5:15 ni 1 Yôhanes 4:11; 5:3. I mbus lisoñgol li hiki pes kaat, ni kwélél mbadga ini:

• Inoñnaga ni nlôñ kaat unu, kii di nla boñ inyu éba le di nti mayéga?

4. Kôna Yésu

Njel ipe di nla gwélél i yé le di kôna Yésu. Añ 1 Pétrô 2:21, i mbus ni kwélél mbadga ini:

• Kii di nla boñ inyu éba le di noñ mabal ma Yésu?

5. Kee i Mbigda i nyemb Yésu

Inyu tehe i jam li bi tagbe i kel Yésu a bi téé Bilôp bi Nwet, Añ Lukas 22:14, 19, 20. I mbus, ni kwélél mambadga mana:

• Kii bi tagbe i Bilôp bi Nwet?

• Kii yé yimbne i bret ni i wai?—Béñge minlôñ 19 ni 20.

Yésu a bé sômbôl le banigil bé ba nhoñol nyemb yé ngélé yada hiki nwii. Jon Mbôgi Yéhôva i nkodba ngélé yada hiki nwii inyu bigda nyemb i Yésu inoñnaga ni oda a bi ti. Inyu yi lelaa likoda li, li ntagbe, tuk VIDÉÔ. I mbus ni kwélél mbadga ini:

VIDÉÔ: Mbigda i nyemb Yésu (1:41)

• Kii ntagbe i kel Bilôp bi Nwet?

Bret ni wai bi yé ngim yimbne. Bret bi yé yimbne i nyuu Yésu i i bé peles, yon a bi ti inyu yés. Wai i yé yimbne i matjél mé

I SEM KWEP

Di ñunda le di ndiihe i jam Yésu a bi bôñôl bés i ngéda di nhémle nye ni i ngéda di nke i Bilôp bi Nwet.

Mambadga ma mbigda

• I hémle Yésu i nkobla le kii?

• Lelaa u nla éba le u ndiihe i jam Yéhôva bo Yésu ba bi bôñôl we?

• Inyuki i nlôôha ba nseñ le u ba ha i Bilôp bi Nwet?

KÔNDE YÉÑ

Libak le Yésu a bi wél inyu yés li ntinde bés i boñ kii?

Yésu a bi gwélél nyuu yé inyu ti Yéhôva lipém (9:28)

Kee ni bisu i nigil kii ba nsébél le hémle, ni lelaa u nla éba le u gwé yo.

“Unda le u nhémle mimbônga mi Yéhôva” (Nkum Ntat, sôñ Biôôm 2016)

Munu ñañ unu le “Nano kiñ yem ñem i ntééñga ha bé me, me ngwés niñ,” béñge lelaa niñ i muda wada i bi héñha i ngéda a bi tibil nok nseñ u Binoñ.

“La Bible transforme des vies” (La Tour de Garde, 1er août, 2011)

Béñge inyuki ndék bôt ndik yon i nje koga i nyok wai i Bilôp bi Nwet.

“Inyuki Mbôgi Yéhôva i mbidga bé nyemb Yésu nlélém kiki bibase bipe?” (Kee i jw.org)