Ézékiel
19 “U nlama tôp hiémbi hi maéya inyu baane ba Israel, 2 u kal lana le:
‘Nyuñ a bé kii? A bé ñin mbondo njéé u u bé lôñni balôm ba mbondo njéé;
u nañlak, u néñhak ki bon bé i ñemkété mimpémba mi bon ba mbondo njéé.*
3 Ñin mbondo njéé u bi néñés man wé wada nu a bi yila mpémba.+
A nigil i pat binuga a ngwel,
a jek yak bôt ba binam.
4 Kiki biloñ bi nok bôt ba mpôdôl nye, ba gwel nye mu hiandi hiap,*
ba som nye dikoba i mben yé môl, ba kena nye i loñ Égiptô.+
5 Nyañ a bé bem nye, a lehel ñem le man a ga témb.
Ha nyen a bi yoñ man mbondo njéé numpe mu bon ba mbondo njéé, a yilha nye mpémba.
6 Yak nye a bé hiôm ni ini mbondo njéé ipe, a yila mpémba man mbondo njéé.
A nigil i pat binuga a ngwel, a jek yak bôt ba binam.+
7 A bé hiôm mu minkum mi mandap mi bôt ba binam, a tjék bitison gwap,
kayéle i ngéda a bé kônd, hala a bé nôga mu loñ yosôna i i bi yégle hôlô.+
8 Bôt ba biloñ ba ba bé lôl mu bipes bi mbok bi bi nkéña i nkoñ u, ba bi leñ nye mbunja yap,
ba gwel nye mu hiandi hiap.*
9 Ba som nye dikoba i mben yé môl, ba ha nye i nkuu, ba kena nye yak kiñe Babilôn.
Nyoo nyen ba bi kwéhne nye, inyu boñ le kiñ yé i nôga ha bañ i ngii dikôa di Israel.
10 Nyuñ a bé kiki nkôô wai*+ u u bi béla bebee ni malép.
Kiki nkôô wai u bé ipañ malép, u bé num matam, u pémhak ngandak mintjep.
11 U bééna mintjep* mi ngui ba bé le ba gwélél inyu boñ mintoñgo mi ane mi baénél.
I nkôô wai u, u bi nañ, u loo bini bie bipe,
u kahal nene inyule u bé i ngii, u ban-ga ngandak tjai.
mintjep* nwé mi ngui mi bugi, mi kôt, yak hié hi ligis nwo.+
13 Nano u mbéla i ñoñ,
i nnumuk ’isi, i het malép ma ta bé.+
14 Hié hi bi lôl i mintjep nwé, hi ligis bisem gwé ni matam mé,
ntjep ngui to wada u bi yégle bé, to ntoñgo ane inyu énél u bi yégle bé.+
“‘Hiémbi hi maéya hini, hion bôt ba ga tôp i ngéda maéya.’”