Yésaya
31 Ngoo ni bôt ba nsôs i Égiptô i bat mahôla,+
ba ba mbôdôl bihosi ñem,+
ba ba mbôdôl bikak bi gwét ñem inyule bi yé ngandak,
ba bôdlak yak bihosi bi gwét* ñem inyule bi gwé ngui.
Ndi ba mbat bé Numpubi nu Israel mahôla,
ba nyéñ bé to Yéhôva.
2 Ndi yak nye a gwé pék, a ga lona ki bikuu,
a ga héñha bé i yom a nkal.
A ga telep i jôs ntôñ u bibéba bi bôt,
ni i jôs i bôt ba nhôla baboñ mam mabe.+
3 Ngo bôt ba Égiptô ba yé ndigi bôt ba binam, ba ta bé Nyambe;
bihosi gwap bi yé minsôn, bi ta bé mbuu.+
I ngéda Yéhôva a ga sambal woo wé,
nu a nlo i ti mahôla a ga baage,
nu ba nlo i hôla a ga kwo;
bobasôna ba ga tjiba i nlélém ngéda.
4 Inyule Yéhôva a nkal me le:
“Kiki mbondo njéé tole man mbondo njéé a nhum inyu sôña nuga a ngwel
i ngéda ntôñ u batééda mintômba u nkodba inyu jôs nye,
i nkon bé makiñ map woñi,
to minlondok nwap mi nséhlaha bé yo;
hala nyen Yéhôva nu mintôñ mi gwét a ga sôs i jo gwét,
inyu sôñ Siôn ni hikôa hié.
5 Kiki dinuni di di mpala puue inyu lo i sôñ bon bap, hala nyen Yéhôva nu mintôñ mi gwét a ga pala lo i sôñ Yérusalem.+
A ga sôñ nye, a tohol ki nye
A ga yoñ ngéda ni nye, a péyés ki nye.
6 “A litén li Israel, témba yak nu ni bi ndogbene ni lipamal.+ 7 Inyule i kel i, hiki mut a ga lep banyambe bé ba silba ni ba gôl ba ba gwé bé nseñ, banyambe le bébomede ni bi bañ, ndi ki le hala a bé béba.
8 Pansoñ yon i ga nol man Asiria, ndi pansoñ i mut binam bé;
pansoñ yon i ga tjé nye, ndi pansoñ i mut binam bé.+
A ga ke pansoñ ngwéé,
ba nyégsa ki boñge bé ba wanda i sal bôlô njok.