Бокьилищ нужее бищун кІвар бугел суалазе ритІухъал жавабал щвезе?

РИТІУХЪАЛ жавабал сундул хІакъалъулъ? Цебегоялдаса нахъе гІадамазул ракІазе асар гьабулел суалазул хІакъалъулъ. Нужецаги кьолел рукІун ратила нужеего гьадинал суалал:

• Аллагьасе нилъ рокьуладай?

• Рагъазе ва къварилъабазе ахир бачІинадай?

• Щиб букІунеб нилъ холеб мехалъ?

• Хварал гІадамаз гІумро гьабуладай?

• Аллагьасда нилъ рагІизе бокьанани, кин гьари-дугІа гьабизе кколеб?

• Кин батизе бегьулеб гІумруялда жаниб талихІ?

Нужер пикруялда рекъон, кир цІехезе кколел гьел суалазе жавабал? Библиотекабазда ва тІахьазул тукабазда нужеда ратила аза-азар тІахьал. Гьезул автораз ракІчІун хъвалеб буго, гьел суалазе жавабал жидеда лъалилан. Амма гІемерисеб мехалъ цо тІехьалда бугеб пикру цогидалда данде кколаро. Жакъа нилъеда цо-цо тІахьазда ритІарал пикраби хъван ругилан ккола, амма заман ун хадуб, гьел басралъун ратула. ЦІиял тІахьазда гьел пикраби цогидаз хисун ратула.

Гьедин букІаниги буго цо тІехь, тІубан нилъ божизе бегьулеб. Гьеб тІехьалъ нилъ къосинаруларо. Аллагьасе гьари-дугІа гьабулеб мехалъ ГІиса аварагас гьал рагІаби абуна: «Дур рагІи ритІухъаб буго» — ян (Иоанница хъвараб рохалил хабар 17:17). Жакъа Аллагьасул Калам лъала Таврат, Забур, Инжил абурал цІаразда гъоркь. Хадусел гьумерал цІалани, нужее швела Аллагьасул Каламалдаса къокъал, амма якъинал ва ритІухъал жавабал тІад рехсарал суалазе.

Аллагьасе нилъ рокьуладай?

ЩАЙ КЬЕЗЕ ККАРАБ ГЬЕДИНАБ СУАЛ? Нилъеца гІумро гьабулеб буго гурхІел ва ритІухълъи гьечІолъиялъ цІураб дунялалда. ГІемерисел диназ малълъула, нилъер къварилъаби — гьеб Аллагьасул амру-нагью бугилан.

ЩИБ МАЛЪЛЪУЛЕБ АЛЛАГЬАСУЛ КАЛАМАЛЪ? Аллагьас киданиги инсанасе зарар гьабуларо. «Нилъ рокьулев Аллагьас квещлъи гьабуларо, ва ХІалкІолев БетІергьанас битІараб гьечІеб иш билълъанхъизабуларо» — ян абулеб буго ГІаюб аварагасул хІакъалъулъ тІехьалда (ГІаюб 34:10). БетІергьанасе гІадамал рокьула, ва гьесул мурад буго нилъее цІакъ лъикІаб букІинесеб гІуцІизе. Гьединлъидал ГІиса МасихІица нилъеда малълъулеб буго Аллагьасда гьаризе: «Зобалазда тІад вугев нижер эмен... Дур ПарччахІлъи тІаде щвеги. Зобалазда тІад гІадин, ракьалдаги дур мурад тІубайги» (Матфеица хъвараб рохалил хабар 6:9, 10). ЦІоб кІудияв БетІергьанас нилъер кутакалда тІалаб гьабула. Жиндирго гьеб мурад тІубазе гІоло, Аллагьас гІемераб захІмалъи хІеккезе ккана (Иоанница хъвараб рохалил хабар 3:16).

Балагье гьединго 1 Мусал тІехь 1:26—28; Якъубил кагъат 1:13 ва 1 Петрил кагъат 5:6, 7.

Рагъазе ва къварилъабазе ахир бачІинадай?

ЩАЙ КЬЕЗЕ ККАРАБ ГЬЕДИНАБ СУАЛ? Рагъаз росун унел руго гІемерал гІадамазул гІумруял. Нилъеда яги нилъер гІагарал-божаразда гьоркьов гІазаб-гІакъуба бихьичІев чи ватиларо.

ЩИБ МАЛЪЛЪУЛЕБ АЛЛАГЬАСУЛ КАЛАМАЛЪ? ХІалкІолев БетІергьанас абулеб буго, жинца тІолго дунялалдаго рекъел чІезабураб заман бачІине бугилан. Аллагьасул ПарччахІлъи — Зобалазул хІукумат тІаде щвараб мехалъ, гІадамал тІокІалъ рагъизе ругьунлъизе гьечо. Гьелъул гІаксалда, гьез «хвалчабазул махх бацІун пуруцал гьаризе руго» (Ишаял тІехь 2:4). ХІалкІолев Аллагьас тІагІинабизе буго ритІухълъи гьечІолъи ва гІакъуба-гІазаб. Инжилалъ рагІи кьолеб буго: «БацІцІина Аллагьас гьезул бадиса кинаб бугониги магІу, букІине гьечІо тІокІалъ хвел, я гІоди, я угьди, я унти... Цебе букІараб къварилъи тІагІине буго» (БукІинесеб загьирлъи 21:4).

Балагье гьединго Забур 37:10, 11; 46:9 ва Михеица хъвараб тІехь 4:1—4.

Щиб букІунеб нилъ холеб мехалъ?

ЩАЙ КЬЕЗЕ ККАРАБ ГЬЕДИНАБ СУАЛ? ГІемерисел диназ малълъула, хун хадуб цо кинабалиго инсанасул бутІаялъ гІумру гьабулилан. Цо-цоял божула хвараз чІагоязе зарар гьабиялда. Гьез абула, мунапикъзаби Аллагьас тамихІ гьабун, абадияб гІазабалъе жужжахІалде ритІулилан.

ЩИБ МАЛЪЛЪУЛЕБ АЛЛАГЬАСУЛ КАЛАМАЛЪ? Инсан хвараб мехалъ, гьес хадуб гІумро гьабуларо. «Хваразда щибго жо лъаларо» — ян хъван буго Экклезиаст 9:5. Хваразда щибго жо лъаларелъул, гьезул черхалъе сунцаго асар гьабуларо, ва гьезда кІоларо чІагоязе я зарар, я кумек гьабизеги. (Забур 146:3, 4).

Балагье гьединго 1 Мусал тІехь 3:19 ва Экклезиаст 9:6, 10.

Хварал гІадамаз гІумро гьабуладай?

ЩАЙ КЬЕЗЕ ККАРАБ ГЬЕДИНАБ СУАЛ? Нилъее бокьилаан гІагарал-божараз нилъеда цадахъ рохалида гІумру гьабизе. БукІине кколеб жо буго, хварал гІагарал чагІи рихьизе рокьи.

ЩИБ МАЛЪЛЪУЛЕБ АЛЛАГЬАСУЛ КАЛАМАЛЪ? ГІемерисел хварал чагІи тІаде рахъине гьаризе руго. ГІиса аварагас абулеб букІана: «Киналго хабалазулъ ругелщинал тІаде рахъинаризе руго» — ян (Иоанница хъвараб рохалил хабар 5:28, 29). Хун хадур тІаде рахъинарурал гІадамазе рес щвела ракь бижизабуралдасаго Аллагьас ургъараб алжананалда гІумру гьабизе (Лукаца хъвараб рохалил хабар 23:43). Гьеб гуребги, Аллагьасе мутІигІал гІадамазе щвела камилаб сахлъи, гьез даимго гІумруги гьабила. Забур тІехьалда хъван буго: «Ракь ирсалъе щвезе буго муъминзабазе, ва гьез гьениб даимго гІумру гьабизеги буго» — ян (Забур 37:29).

Балагье гьединго ГІаюб 14:14, 15; Лукаца хъвараб рохалил хабар 7:11—17 ва Чапарзабазул ишал 24:15.

Аллагьасда нилъ рагІизе бокьани, кин гьари-дугІа гьабизе кколеб?

ЩАЙ КЬЕЗЕ ККАРАБ ГЬЕДИНАБ СУАЛ? Гьари-дугІа гьабула киналго диназул рахъ ккурал гІадамаз, амма гІемерисезул гьари-дугІаял жаваб щвечІого хутІула.

ЩИБ МАЛЪЛЪУЛЕБ АЛЛАГЬАСУЛ КАЛАМАЛЪ? ГІиса МасихІица малълъулеб букІана Аллагьасде гьариязулъ рекІехъе лъазарурал рагІаби гІемер такрар гьаругеян. «Гьари-дугІа гьабулаго цого цо жо такрар гьабуге»,— ян абулеб букІана гьес. (Матфеица хъвараб рохалил хабар 6:7). Аллагьасда нилъ рагІизе бокьани, гьари-дугІа гьабизе ккола гьесие бокьараб къагІидаялда. Гьелъие гІоло, чара гьечІеблъун буго лъазе, кинал гьари-дугІаязухъ гьев гІенеккулев ва гьелда рекъон тІагІат гьабизе ккола. 1 Иоаннил кагъгида 5:14 хъван буго «Щиб нилъеца гьесул разилъиялда рекъон гьараниги, гьеб гьесда рагІула» — ян.

Балагье гьединго Забур 65:2; Иоанница хъвараб рохалил хабар 14:6, 14 ва 1 Иоаннил кагъат 3:22.

Кин батизе бегьулеб гІумруялда жаниб талихІ?

ЩАЙ КЬЕЗЕ ККАРАБ ГЬЕДИНАБ СУАЛ? ГІемерисел гІадамаз талихІалъул кІул — гІарац, машгьурлъи ва берцинлъи бугилан рикІкІуна. ТІолабго рухІалъ гьез жигар бахъула гьеб кинабго щвезебизе, ва амма гьезда талихІ батуларо.

ЩИБ МАЛЪЛЪУЛЕБ АЛЛАГЬАСУЛ КАЛАМАЛЪ? Унго-унгояб талихІ сунда бараб букІин бихьизабуна ГІиса МасихІица. Гьес абуна: «Гьардарал гурищ Аллагьасул хІакъалъулъ лъай щвезе гъира бугелшинал» (Матфеица хъвараб рохалил хабар 5:3). Унго-унгояб талихІ батизе бегьула нилъеца тІубазабуни гІицІго бищун кІвар тІадегІанаб къваригІел — Аллагьасул хІакъалъулъ лъай ва гьесул нилъер рахъалъ бугеб мурад лъазабуни. Гьеб хІакъикъат буго Аллагьасул Каламалда. Гьеб битІараб лъараб мехалъ, нилъеда кІвезе буго бичІчІизе, щиб гІумруялда бищун аслияб бугеб, щиб гьечІеб. Цинги битІараб хІукмуги къотІун, нилъ Илагьиял ТІахьазул хІакъикъаталда рекъон хьвадани, нилъер гІумро магІна бугеб лъугьина (Лукаца хъвараб рохалил хабар 11:28)

Балагье гьединго Притчби 3:5, 6, 13—18 ва 1 Тимофеихъе 6:9, 10.

Нижеца гІицІго къокъго хал гьабуна Аллагьасул Каламалдаса анлъго суалалъул. Бокьилищ нужее цІикІкІун лъазе? Узухъда, нуж рухІаниял хІажатал цІикІкІарал ратани. Нужее лъазе бокьун букІине бегьула, щай цІоб кІудияв Аллагьас гьадигІан гІемер гІакъуба ва къварилъи биччалебали? Хъизамалъул гІумруялда жаниб кин талихІ батизе бегьулеб? Таврат, Забур, Инжил тІахьаз кьолел руго якъинал жавабал гьел ва гьел гурелги цогидал суалазе.

Ва амма жакъа гІемерисез Таврат, Забур, Инжил тІахьал цІалуларо, щай гурелъул гьел гьезда лъаларелъул. Бокьилиш нужее кумек швезе гьел тІахьазда нужер суалазе жавабал ратизе? Иеговал НугІзаз цебе льолеб буго бищизе кІиго нужее кумек гьабизе кІолеб къагІида.

ТІоцебесеб — гьеб брошюра «Дуда кІвезе бегьула Аллагьасул гьудуллъун вукІине!» Гьеб буго Аллагьасул Каламалдаса кІвар бугел суалазе жавабал ратизе кумек гьабулеб брошюра. КІиабилеб — мухь кьечІого Таврат, Забур, Инжил тІахьаздаса лъай щвезаби. Нужеда аскІор гІумру гьабулел Иеговал НугІзал рачІине бегьула нужер рукъор щибаб анкьалъ яги нужее санагІатаб бакІалде дагь-дагьккун Аллагьасул Каламалъул хІакъалъулъ гара-чІвари гьабизе. Чанги миллионал гІадамазе кумек лъугьана гьединаб къагІидаялъ щвараб лъаялдаса. Гьезда гьоркьосан гІемерисезда гьанже ракІчІун абизе кІола «Дида хІакъикъат батана!».

Аллагьасул хІакъалъалъулъ лъай — гьеб къимат тІокІаб хазина буго. Гьелъ нилъ эркен гьарула гьересиял божилъияздаса, лъайгьечІолъиялдаса ва гІазаб кьолеб хІинкъиялдаса. Гьелъ кумек гьабула цІунизе: божилъи, рохел ва гІумрудул магІна. ГІиса аварагас абуна: «Нужеда хІакъикъат лъазе буго, ва хІакъикъаталъ нуж эркен гьаризе руго» (Иоанница хъвараб рохалил хабар 8:32).