واش الاموات غادين يِحْيَاوْ من جديد؟
أشنو هو جوابك؟
نعم
لا
ربما
جواب الكتاب المقدس:
«سوف تكون قيامة». — اعمال 24:15، ترجمة العالم الجديد.
أشنو يعني هَذا ليك؟
هَاذْ المعرفة غادة:
تعزّيك مَلّي يموت شي واحد عزيز عليك. — 2 كورنثوس 1:3، 4.
تحيد ليك الخوف من الموت. — عبرانيين 2:15.
تعطيك رجاء حقيقي باش تَتْلَقَى مِنْ جديد مع الأقرباء ديالك لِمَاتوا. — يوحنا 5:28، 29.
واش يمكن نصدقوا أشنو كيقول الكتاب المقدس؟
نعم، كاين على الأقل ثلاثة أسباب:
اللّٰه هو لِخلق الحياة: الكتاب المقدس يقول بلّي يهوه اللّٰه هو «ينبوع الحياة». (مزمور 36:9؛ اعمال 17:24، 25) وُهَذا لِخلق المخلوقات الحية بلا شك قادر يِرد الحياة لِهَاذُو لِماتُوا.
في الماضي اللّٰه قَام اشخاص من الموت: الكتاب المقدس كيتحدث على ثْمَنْيَة ديال الاشخاص تْقاموا من الموت الى الحياة على الارض. وُكان بينهم صغار وكبار، رجال وَنساء. وُالبعض منهم ملّي ماتوا مَبقاوْش بزاف الوقت وُتقاموا. وَلكن كاين واحد منهم بقى رَبْعِيَامْ في القبر. — يوحنا 11:39-44.
اللّٰه كَيشتاق يقيم الاموات في المستقبل: يهوه يكره الموت وُكَيَعْتَابْرُو عَدُو لَدُودْ. (1 كورنثوس 15:26) وُهو ‹مشتاق› يَقْهَر هَاذْ العدو وُيِحَيدْ الموت بالقيامة. وُثَانِي هو مشتاق يرجّع الى الحياة هَاذو لِفِي الذاكرة ديالو باش يعيشوا على الارض. — ايوب 14:14، 15.