أشنو هو ملكوت اللّٰه؟‏

جواب الكتاب المقدس:‏

‏«يقيم اله السماء مملكة لن تنقرض ابدا»،‏ يعني ما غاداش تزول.‏ —‏ دانيال 2:‏44‏،‏ ترجمة العالم الجديد.‏

‏«يُعطى لنا ابن،‏ وتكون الرئاسة على كتفه».‏ —‏ اشعيا 9:‏6‏.‏

كيفاش هاذا يأثّر في حياتك؟‏

• غادي تعيش تحت حكومة صالحة عندها حاكم عادل،‏ وهاذ الحكومة كيهمّها الخير ديالك.‏ —‏ اشعيا 48:‏17،‏ 18‏.‏

• وقريب غادي تتمتع بالصحة والسعادة الكاملة في الفردوس لِهو قريب بزاف.‏ —‏ رؤيا 21:‏3،‏ 4‏.‏

واش يمكن نصدقوا أشنو كيقول الكتاب المقدس؟‏

نعم،‏ كاين على الأقل جُوجْ أسباب:‏

• يسوع بيّن لنا أشنو غادي يدير ملكوت اللّٰه:‏ يسوع علّم الاتباع ديالو يصلّيوا ويطلبوا باش يجي ملكوت اللّٰه وتتحقَّق المشيئة ديالو على الارض.‏ (‏متى 6:‏9،‏ 10‏)‏ وهو بيّن كيفاش غادة تَسْتَاجب هاذ الصلاة.‏

  في الحياة ديالو على الارض،‏ اطْعَمْ الجياع وشفى المرضى وُقَامْ الموتى!‏ (‏متى 15:‏29-‏38؛‏ يوحنا 11:‏38-‏44‏)‏ وهكذا يسوع،‏ بصفتو ملك للملكوت المقبل،‏ عْطَى صورة رائعة لِكل الحوايج لِغادي يحققها الملكوت لكل الرعايا ديالو.‏ —‏ رؤيا 11:‏15‏.‏

• الأَحْوَال ديال العالم كتبيّن بلّي ملكوت اللّٰه قريب غادي يجي:‏ يسوع تنبأ بلّي الملكوت قبل ما يحقّق السلام على الارض،‏ العالم ديالنا غادة تجي فيه الحروب والمجاعات والزلازل.‏ —‏ متى 24:‏3،‏ 7‏.‏

  وحنا اليوم كنشوفوا بعينينا هاذ الاحوال.‏ هذا علاش حنا عندنا الثقة بلّي قريب ملكوت اللّٰه غادي يوضع حَدّ لكل المشاكل.‏