Pepicahuaimi tami yafültucual tami huiñoldungun meu

Huiñoldunguliyiñ taiñ trahun mu, caque quiñeque iñchiñ yafültucuafuiñ taiñ pu peñi ca lamngen (Heb. 10:24, 25). ¿Chumngechi pepicahuafuiñ ñi yafültucuafiel pu peñi ca lamngen?

• Llellipuafiyiñ Jehová. Feipiafiyiñ taiñ quelluaeteu, femngechi taiñ huiñoldungun mu püramyeafiyiñ Jehová, ca yafültucuafiyiñ caquelu (Sal. 35:18).

• Re papeltulayafimi ñi feipin ti parrafo, eimi tami dungun mu entuaimi tami huiñoldungun. Piuque mu nütramcaliyiñ taiñ feyentun meu, doi yafültucungeai pu allcütulu.

• Pichiñmangepe tami huiñoldungun. Tami huiñoldungun pichiñmale ca adümfalngele, doi yafültucucheai. Cafei doi fentren peñi ca lamngen huiñoldunguafui (Prov. 10:19).

• Yafültucufinge pu allcütuquelu. Taiñ huiñoldungun mu allmalltulayaiñ taiñ ngülamtuafiel ca norümtuafiel ti trahunche ca quiñe peñi cam lamngen.

Pepi huiñoldungunoliyiñ trahun mu, ca yafültucucheaiñ. ¿Chumngechi femafuiñ? Cüme allcütuaiñ ñi huiñoldungun taiñ pu peñi ca lamngen trahun mu, femngechi saquiafuiñ tañi feipin mu engün (Prov. 10:21).