Ñi ngüneduamngeal troquiñ 11

Tüfachi troquiñ mu inaduamaiñ Jesús tañi rupan. Tañi familia ülmen chengelafuingün, carpinterongefui tañi chau José engu. Jesús fei tati Montulchefe ca Chau Dios dullifi ñi Lonco Ülmen ngeal huenu mu. Quimeltuafimi pu pichiqueche tüfachi falinque quimeltun: Chau Jehová cüme dullifi inei ñi tremümaeteu tañi fotüm. Cafei, Chau Jehová cuñiutucufi ta Jesús ñi langümnoaeteu Herodes. Ca elfalcünufi ta Juan ñi pepicayafiel ta che, fei ñi cüme lloungeal ta Jesús. Fei Chau Jehová femquei llemai tañi ayünieel, chem no rume catrütulayafeyu. Cafei, pichicalu müten ta Jesús, quisutu maneluulai, doi mai piuqueyefi Chau Jehová tañi quimün ca maneluuquefui chumngechi tañi adnieaeteu.