Jesús liftufi Chau Dios ñi ruca

Abril conchi cüyen peno, 30 tripantu mu, Jesús amui ta Jerusalén. Fentren che trahuluhui üye mu ñi fiestañmayal ti Pascua. Huimtulefuingün ñi chalintucual culliñ Chau Dios ñi ruca mu. Quiñeque che cüpalquefuingün tañi pu culliñ, caquelu che ngillaquefui Jerusalén mu.

Jesús conpui Chau Dios ñi ruca mu, fei pefi quiñeque che fendemequelu culliñ üye mu. ¡Allmalltuingün ñi negociayal Chau Dios ñi ruca mu! ¿Chumi cai Jesús? Deumai quiñe refenque ñi huemünentuafiel pu huaca ca pu ufisa. Cafei huaichüfrulpafi fillque mesa ñi nieel pu trafquintuquelu plata, fei pachügnagi fentren moneda. Jesús feipifi pu fendemequelu paloma: “¡Feria reque cünumequeimün tañi Chau ñi ruca! ¡Fentecünumün! ¡Com entufimün tüfa meu!”.

Afmatulehuei pu che Jesús tañi femün mu. Tañi pu inanieteu raquiduamingün chem ñi feipicünungeel ti Mesías mu, ñi rume yamnieafiel Chau Jehová ñi ruca.

Ca quiñe rupa, 33 tripantu mu, Jesús ca huiño liftufi Chau Dios ñi ruca. Catrütufi inei rume ñi illamcanoal tañi Chau ñi ruca.