Jesús Mesías ngetui

Juan feipimequefui: “Pichiñma mu quiñe huentru doicülelu iñche mu cüpayai”. Nielu Jesús 30 tripantu peno, Galilea mu tripai, fei amui Jordán leufü mu. Feiti mu Juan fautizamequefi pu che, fei Jesús ayüi ñi ca fautizayaeteu. Huelu Juan catrütueyu ca feipifi: “Iñche femfalnoafel, eimi mai fautizayafen”. Jesús feipieyu: “Chau Jehová ayüniei eimi tañi fautizayaeteu”. Feimu conpuingu leufü mu, ca Juan ñamümtucufi Jesús co meu.

Jesús tripalu co mu, llellipufi tañi Chau. Feichi mu müten, nülatripai ti huenu ca Chau Jehová elueyu tañi nehuen, tüfa nagpai quiñe paloma reque. Feimu Chau Jehová feipi: “Eimi tañi poyen Fotüm, iñche tañi ayühulqueteu”.

Feichi mu, Jesús llohui Chau Jehová ñi nehuen, ca Cristo cam Mesías ngerpui. Feulaque pepicaucülefui ñi femal chem tañi huercüeteu Chau Jehová.

Jesús fautizaulu, fei amui huellin mapu mu ca mülenagpui 40 antü. Huiñotulu, pemefi ta Juan. Pefilu ñi cüpalen Jesús, feipi: “Tüfa ta Chau Dios ñi Cordero montulchealu culpan mu”. Juan femngechi quellufi tati pu che ñi quimtucual engün Jesús tañi Mesías ngen. ¿Quimimi cai chem dungu mu rupai Jesús huellin mapu mu? Ngüneduamaiñ.