PU HUECHEQUECHE ÑI RAMTUQUEEL
Llellipuli Chau Dios mu, ¿rüf quellupeafeneu?
Fentren pu huechequeche feipiqueingün: “Ngillatuquefiñ ta Chau Dios”. Huelu fentren engün fill antü femquelaingün. Epe com peno ramtuuqueingün: “Ti llellipun mai, ¿re quelluqueneu ñi cüme duamcüleal müten?”. Ngüneduamnge tüfa.
Llellipulmi, ¿chumngechi quelluaimu?
Eimi llellipufilmi ta Chau Jehová, fei tüfa quiñe nütramcan feleafui. Raquiduamnge tüfa: Chau Dios doicülei iñchiñ meu, felefule rume, ‘alü camapulelai caque quiñeque iñchiñ meu’ (Hechos 17:27). Biblia ca feipieiñmu taiñ femafel: “Fülconmün ta Ngünechen meu, fei quisu fülconai ta eimün meu” (Santiago 4:8). ¿Cümenoafulu tami llellipuafiel ta Jehová?
Huelu, eimi ¿chem quelluaimu fülconal Ngünechen mu?
Llellipunge. Femngechi nütramcaquefimi reque ta Jehová.
Cüme estudiayaimi Biblia. Biblia meu mülei Dios ñi feipin, feimu papeltufilmi, nütramcayaimu reque.
Feimu llellipufilmi ta Chau Jehová ca papeltufilmi ti Biblia, tüfa quelluaimu tami doi fülconcüleal quisu meu.
Jeremy feipi: “Nütramcafiel ta Chau Jehová, fei tati doi cüme dungu ñi nieafel tati pu che”.
Miranda feipi: “Ngillatun mu, nütramcaquefiñ ta Jehová ñi chum duamcülequen iñche. Fei doi fülconcülequen quisu mu”.
¿Rüf allcütuquepeimu Ngünechen?
Eimi feyentuafuimi rume Ngünechen mu ca llellipuafuimi rume, huelu raquiduamafuimi: “¿Rüf allcütuquepeneu Ngünechen?”. ¡Turpu feipilayaimi tüfa! Doi mai, Biblia feipi ta Chau Dios “ti Allcütuquelu tati llellipun” (Salmo 65:2). Biblia ca feipi preocupaucülelmi, nütramcafinge ta Ngünechen chem tami raquiduamelnieteu. ¿Chumngelu (chemu)? Quisu duamtunieimu llemai (1 Pedro 5:7).
Raquiduamnge tüfa: Eimi fill antü peno nütramcaquefimi tami pu hueni. Fei ca femngechi nütramcayafuimi ta Chau Dios. Feimu fill antü llellipufinge, ca üitufinge tañi üi meu, Jehová pingelu (Salmo 86:5-7; 88:9). Tati Biblia feipi fill antü tami ngillatuleal Chau Jehová mu (1 Tesalonicenses 5:17).
Moises feipi: “Llellipufiel mu iñche ta Huenu Chau, nülacünulelquefiñ reque tañi piuque”.
Karen feipi: “Iñche tañi ñuque ca iñche ñi pu hueni nütramcaquefiñ falinque dungu. Fei ca femngechi nütramcalelquefiñ ta Chau Jehová”.
¿Chem dungu meu llellipuafuimi?
Tati Biblia feipi: “Ngillatufimün, quelluen piafimün ca femngechi mañumtuqueafimün” (Filipenses 4:6).
Tüfa feipi eimi nütramcayafuimi ta Jehová chem tami rupamequen. Biblia ca feipi: “Tami fanetunieeteuchi dungu elcünunge Jehová mu, fei quisu am yafülduamnieaimu” (Salmo 55:22).
Re huesaque dungu tami rupamequen nütramcalayafimi ta Chau Dios. Ngüneduamnge ñi feipin quiñe üllcha, Chantelle pingelu, quisu feipi: “Re quelluen müten pifili ta Chau Dios, ‘cüme hueni’ pilayafeneu’”. Ca feipi: “Hunelu meu, mülei taiñ mañumtuafiel ta Chau Dios. Rüfcünu, pütrünque dungu mülei taiñ mañumtuafiel”.
Raquiduamnge tüfa: ¿Chem dungu meu mañumtuafuimi ta Chau Jehová? Raquiduamnge cüla dungu mu, fei llellipun meu mañumtuafimi.
Anita feipi: “Adquintufiliyiñ rume quiñe cüme adngechi flor, eluucüleafuiñ taiñ mañumtuafiel ta Chau Dios”.
Brian feipi: “Ayüfilmi quiñe dungu tami peel Biblia meu cam ayüfilmi quiñe dungu ñi deumael ta Jehová, raquiduamcülenge tüfa meu, fei mañumtufinge.