Cuifique challhuahue

Quiñeque huentru inaquefilu ta Jesús challhuafengefui (Mar. 1:16-20). Pünequefuingün challhuahue tañi entual challhua Galilea lafquen meu.

¿Quimimi chumngechi ñi femngequefel ti challhuahue? Ngürecangequefui reque füu cam llasu ñi deumangeal ti malla, quiñeque lino mu deumangefui. Mülefui epu rume challhuahue, quiñe deumangei ñi entual fütraque challhua, cangelu ñi entual pichique challhua. Tati doi pichi challhuahue chincülcülefui, fei inaltu niefui fanechi cura ñi ñamconal co meu, femngechi huallmangequefui pu challhua, fei ñi entungeal co meu. Tati doi fütra challhuahue huingüd tucungequefui co meu, quiñe püle fanelefui, cangelu püle quenaiquefui.

Quiñeque mu huichafquefui fente ñi fanen ti challhua, ca troncüquefui fütraque cura mu (Luc. 5:6). Ti Biblia feipi quiñe rupa Santiago ca Juan ñi cüme elcünumequefiel ti challhuahue, lino füu engu acucha fempelafuingu (Mat. 4:21). Rupan challhualu engün, cüme elcünuquefuingün ti challhuahue, rume falilu cai, ca cüchangequefui tañi lifcüleal. Lucas feipi quiñeque huentru “cüchamequerquei ñi challhuahue engün” (Luc. 5:2). Ca pültrücünungequefui tañi pihual, femngechi tañi funanoal (Ezeq. 47:10).

Jesús mangelfi feichi pu huentru quintuquefilu challhua ñi quintuafiel pu che tañi amuldungulelafiel ti cümeque dungu.