Chau Jehová ñi fütra troquiñ hueichafe

Ben-hadad loncolefui Siria mu, fentren rupa ayüfui ñi lefcontuafiel Israel. Huelu petu ñi femnon, Eliseo feipiquefi Israel ñi lonco ülmen, fei ñi lefmahual. Feimu, Ben-Hadad huercüfi tañi troquiñ hueichafe ñi nüafiel ta Eliseo Dotán huaria mu.

Pun meu, pu Siria hueichafe puhuingün ta Dotán. Hunlu, Eliseo ñi cüdaufe pei ñi hualloñmaeteu feiti fütra troquiñ hueichafe. Feimu llicalen huirari: “¡Ay fotrü, Eliseo! ¿Chumayu cai? ¡Hualloñmaleyu!”. Eliseo feipieyu: “Fentrelei engün, huelu doi fentrelei pu mülelu iñchiñ mu”. Feimeu müten, Chau Jehová pengeleleyu fentren cahuellu ca cütralmalechi carretela ñi hualloñmaeteu engu.

Pu Siria hueichafe eluhuingün ñi nüafiel Eliseo. Huelu Eliseo llellipufi ta Chau Jehová ñi quelluaeteu. Fei Chau Jehová hueluraquiduamelfi pu Siria hueichafe, quimlafuingün cheu tañi mülen. Eliseo feipifi engün: “Ñamquiyahuimün, tüfa püle no tati. Inamuchi, iñche yehuaiñ cheu mülei ti huentru tamün quintuyahulfiel”. Pu Siria hueichafe inafingün Eliseo, puhuingün ta Samaria, cheu ñi mülen ti lonco ülmen ngüneniefilu Israel.

Ngüneduamlu engün cheu tañi mülen, pepi chumlaingün rume. Ti lonco ülmen Israel mu feipifi ta Eliseo: “¿Langümpeafiñ mai?”. Eliseo feipieyu: “No, femlayaimi. Doi mai, eluafimi iyael”. Pu Siria hueichafe ayüfuingün ñi huesalcayafiel Eliseo, huelu Eliseo allmalltulai ñi huiñoleltuafiel tañi huesa femeteu. Doi mai, ti lonco ülmen pepicalelfi fentren iyael. Fei hula amutuingün tañi ruca mu.