Manayen​—Ito Inu Emen Ekwukwu Kubọk Adasi Inu Me Ugwem Kan̄

Manayen ire ge me lek ebi ikije me isi me ntitiin̄ ebi eyi Karais okup me Antiọk me adasi ukot. ‘Ekpukpo ọmọ mè Erọdu ogwu ibot mkpulu me ere ge.’ (Ikwaan̄ 13:1) Eyi isibi ibe ke Manayen ichubọk ikaan̄ ata kpokpo, mokọt ire ibe ke imin isibi me uwu ebi isisibi isi.

Me ekakpọge chieen̄ me lek uwu Manayen ominbe isibi, igobo isasa ugwem kan̄ inyi Jioba mè igọọk ibieen̄ ntitiin̄ ebi eyi Karais inye. Ikatoon̄ ejit me lek uwu ikpa isibe, otu ifuk ikpoko ikaan̄be mè ebi ilile iriọọn̄be isi. Kpan̄asi ikeya, irọ ikwaan̄ isasa itap ubọk inyi ebi bọn ute me ntitiin̄.

Akpat ukot kè Manayen ijeen̄ eji ibe ke itọtọbọ ebum inyi Jioba ikup ufiak igak itataan̄ etip mè iyaka ire ikakaan̄ owuwa ikpoko. Kubọk Manayen, kè eji eto ntọbọ-ebum kiji inyi Jioba kubọk adasi inu me ugwem kiji. (Mat 6:33) Isọkọ me lek si, ikerere ibe ke eji mimọnọ uwu ikpa mè iyaka ire kpokpo ibene, kè eji ekerọ “inu ònwọnwọn ichit” mè ekachieek ibe inu geege ikput eji ibe ekanyi Jioba ntọbọ-ebum ogbegbe ọmọ.​—Filip 1:​9, 10.