Kikeek Mkpọ Ofolek Mfufuk Baibul

Baibul iben owuwa mfufuk echi okijeen̄ inu nkween̄ okukup ufiak. Ikekimun̄ ubọk mfufuk chi osabe ibọkọ irek motap ubọk inyi eji egobo etet ejaan̄ inu eji ekifuk mè ekaan̄ owuwa oruru enan̄a me lek. Kpọ-nu usini inu obotap ubọk inyi owu okomun̄ ubọk mfufuk Baibul osabe ibọkọ irek.

• Fuk sibi. Ikekifuk Baibul isibi mokọt itap ubọk inyi owu okomun̄ ojaan̄ ubọk mfufuk ya osabe ibọkọ irek. Enyi esikigbaan̄ ifuk kubọk ototun̄ ukan̄, enyi mekọt itap ugwem me lek mfufuk ya ire enyi ge ge ibọkọ irek esese esese ebi enyi ekifuk mkpọ ofolek.

• Kimun̄ inu okibọkọ irek. Sa inyi okokeek mè okomun̄ ubọk mkpọ osabe ikup me lek ebi okifuk mkpọ ofolek. Kubọk inu njeen̄, omokọt ido lek kwun̄ ibe: Keke orọ ene yi otumu usem mè iyaka ire irọ mkpọ ike irọbe ni? Keke ke emi mbakọt ikikeek mè iyaka ire, ibokukup me lek n̄a ire nkup me irek okup ikeya?

• Gwook inu okibọkọ irek. Ikekigwook mfufuk Baibul motap ubọk inyi eji ekemun̄ mè ekekeek mfufuk cha ejaan̄, ikerere ibe ke inu ogwookbe ikamalek ijaan̄.