Neen̄ Inyinyi Ufọọk-Otu Obotap Ene Efuuk me Owot

Nkween̄mkpọ ntitiin̄ ikinyi eji irek isasa ufọọk-otu kiji itap efuuk me owot ebi bọn Nte kiji. (Iburu 10:​24, 25) Ike owa ke eji ebesa ikineen̄ ufọọk-otu echi obochubọk inama ebi ofifi ife inye me atikọ?

• Kibeek uriaak. Beek Jioba ibe itap ubọk inyi owu okọt onyi ufọọk-otu eyi obomin ọmọ mè itap efuuk me owot ebi ofifi ife.​—Itọn̄ 35:18.

• Kakpọkpọk ikifuk mkpọ egebe me emen ikpa osibonyi ufọọk-otu. Ire okisa usem eyi kwun̄ inyi ufọọk-otu echi okijeen̄ ibe ke owu okaan̄ ichechieek me lek Awaji, ebi ene mekikaan̄ oruru inan̄a me lek.

• Katumu ikọ iwa osikinyi ufọọk-otu. Ire ufọọk-otu kwun̄ ifet mè ikup me mgbidim, motap ebi ofifi ife efuuk me owot mè inyi ema irek igọgọọk ifọọk ikọ si.​—Urọk 10:19.

• Kè ufọọk-otu kwun̄ itap ene efuuk me owot. Kasa ufọọk-otu kwun̄ ikan̄ inu inyi ene mè iyaka ire isaka gwun̄ ute geege me ntitiin̄.

Ikerere ibe ke okakaan̄ irek inyinyi ufọọk-otu me nkween̄mkpọ ntitiin̄, omokọt itap ebi ofifi ife efuuk me owot si. Omokọt irọ eyi sa me irọriọọn̄ ubọk igban̄ mgbọ ema ekifọọk ikọ mè itọtọn̄ ema me lek ufọọk-otu kiban̄.​—Urọk 10:21.