ILULUK UGWEM KUBỌK EBI EYI KARAIS
Nama Ichechieek Kwun̄ Me Lek Usem Awaji
Usem Awaji mokọt inwene ugwem kiji. (Iburu 4:12) Ire, inyi eji ekọt ekaan̄ oruru enan̄a me lek ntọ-ubọk mè nteme okup me emen Baibul, ikup ufiak ibe eji echieek ejaan̄ ibe ke ire “ikọ Awaji” me atikọ. (1 Tes 2:13) Ike owa ke eji ebekọt ikirọ inyi ichechieek eji ekaan̄be me lek Baibul ikinye?
Kifuk Baibul usen geelek. Kubọk inu njeen̄, fuk nu nteme okup me ikpa Urọk mè kpọ nu iriọọn̄-inu okup me emen, echi eji mekọtbe ikisa irọ inu me chereyi.—Urọk 13:20; 14:30.
Bene kikween̄ Baibul. Riọọn̄ ubọk kween̄ inu okijeen̄ ibe ke ege Baibul inan̄a me unye eyi ekwukwu mbuban Awaji. Kpọ me irak ibot usem obe, “The Bible” mè “Inspired by God” me emen ikpa ekigwen Research Guide for Jehovah’s Witnesses. Omokọt inama ichechieek kwun̄ inye ibe ke etip okup me emen Baibul ikanwenwene sa me ifufuk inu okup me Appendix A3 me New World Translation.
IKPỌ FIDIO INU ORỌRỌ EJI EKAAN̄BE ICHECHIEEK . . . ME LEK USEM AWAJI, MÈ IFỌỌK IDODO CHI:
Ike owa ke inu egwookbe me uwu ge me ama Karnak me Ijipiti eyi eweekbe imun̄ osa ibieen̄ inye ibe ke Usem Awaji ire atikọ?
Ike owa ke eji esa iriọọn̄ ibe ke etip okup me emen Baibul ikanwene?
Ike owa ke ubọk Baibul osabe ikup ire chereyi osa ikpọk mbum ibe ke ire Usem Awaji me atikọ? —Fuk Asaya 40:8