Ibebene Okpọkọ 14

Ebi eyi Karais me adasi ukot milook ata etip Ama Ubọọn̄ me ntutun̄ ere geelek me linyọn̄ yi. Jisọs ijeen̄ ema ere ema ebelook ata etip mè irọ ibe ema ekọt etumu esese esese ida usem. Jioba irọ inyi ema ekaan̄ unye-ejit, inyi ema unye isasa ime tukutuku si.

Me ilaak ọkpọchieen̄ ge, Jisọs irọ mè ogwu otuchieen̄ Jọn imun̄ ujamgbugbo Jioba. Me ofifi ilaak ọkpọchieen̄, Jọn imun̄ ubọk Awaji osabe ama ubọọn̄ kan̄ itim igak Setan mè itap uyaka me lek unye ntọ-ikọ kan̄. Imun̄ ike Jisọs melek efit mè akọp obop ene ini mè obop ini ekikpulu me emen inyọn̄. Imun̄ si ubọk otutuuk isijọn̄ yi okanabe paradais, ere otutuuk ene ekitọbọ ebum inyi Jioba me esuuk mè mgbaan̄-mbọp.