Midokoay ci Yihofaan a tamdaw wa mahecad koniya kapah alatek. “Hato fahal sa a mafekad”, saan ko cecay pakidemay ko raraw a tamdaw, “mahaenayto ko demak i, cowa ka harateng ako!” Ano mitikol cingra a miharateng i, wa mahapinangto ningra, isalakat mararawayto ko mipiliˈan, ikor pakidemay ko raraw, oniya demak mahawpay ko: Macacawmaˈ to cowa ka olah ci Yihofaan a tamdaw, mipiliˈay to cowa ka tatodong a lawla, anca maceriday makayhid tayra i sakararawaw a kitiraan, minengnengho to kaacekan a wangcan. Cowato ka pitolon cingra alatek, cowato ka piˈosi to Fangcalay Cudad, mirienang to saˈopo, ato mitosilay a demak. Mahecaday toya kapah i Taneng a cudad, cowa ko “fahal” sanay cingra a mararaw. Mikitini i sapatinako ni Solomon, o manan ko mananamay ita hani? O kalimlaan i, aka a pahatalam to sarikec no Kawas, liyasen ko mikidatay to sakararawaw a demak. (Matay 5:29, 30) w24.07 16 fiedac 10-11 fatac

O manan koniya tadamaanay a dafong? O milasilay to ngaˈayay lihaf no Hongti Kitakit a tayal, oha mamilidong to ˈorip no tao. (2 Korinto 4:1) O manan ko koreng? O milasilay to ngaˈayay lihaf a sikawdan no Kawas. Itini lintad ni Pawlo, o misasingdiay a tamdaw tano kapowaan miparo ko kalimlaan a dafong a micoloˈ, tinakoen o epah, kakaenen ato payci. Malecaday, papilasilan ni Yihofa kitanan ko kalimlaan ngaˈayay a lihaf. Oha mamidama Cingra kitaanan milahci tonini a tayal. Mitosil kita matalaway to pinaˈay ato pisafelit no tamdaw. Sasamaan pakaremo to ciˈangiay? Haratengen, tiya mikeceng ko ˈaˈideman no pidoyongan to mitosilay tayal i, samaanay ko tarokos mitolon to Kawas. Cowa ka ciˈangi a masawad, ao micangacangay ci Yihofaan to ‘timolo,’ ho ngaˈay ‘padotoc milasil to Kimad no [Kawas].’ Kalikiay pacaˈofen ni Yihofa ko satolon nangra. (Dmak 4:18, 29, 31) Ano matalaw kiso, tolonen ko Kawas, wa patongalen Ningra ko olah iso i tamdaw, padama tisowanan timolo pakalowid to ciˈangiay. w24.04 16 fiedac 8-9 fatac

O olah ci Yihofaan pakalalokay kitaanan patalahkal to fangcalay ngangan Ningra. Sapikoracaw kita to to mapakaditay a fangcalay ngangan ni Yihofa, misawacay to pipaoraf ni Satan ci Yihofaan a sowal, sahtoay o mangah. (Satapangan 3:1-5; Yopu 2:4; Yohani 8:44) Ano mitosil i, makalimay kita patado ci Yihofaan a pasowal. Ano makahi ko tamdaw mitengil, papasowalen ita cingra to kihcod pakayniay ci Yihofaan a soˈlinay kimad. Makalimay kita mafanaˈ ko kahacecay tamdaw, sakakaay capeling ni Yihofa o olah, pakayraan Ningra mikowan o moecelay ato masadafdafay, hanaca o Hongti Kitakit Ningra kakalikito palahdaw to kihcod a roray, hanaca paira to soˈlinay dipayal ato lipahak no tamdaw. (ˈOlic 37:10, 11, 29; 1 Yohani 4:8) Itini pitosilan paˈading kita to ngangan ni Yihofa, o patalahkalay to fangcalay ngangan Ningra. Roma i, malo soˈliˈlinay a Misawacayay Tamdaw ni Yihofa kita o mamarenecen ko niyah. w24.05 18 fiedac 12 fatac