Jaˇliꞈ laꞈ kʼoeˇ˗euˬ yaw jeˬ ma jeˬ gaˇ kawˆ sheu cehˆ taˬ˗euˬ gaˇ gʼoˆ shaw

Jaˇliꞈ laꞈ kʼoeˇ yaw jeˬ ma jeˬ gaˇ kawˆ sheu cehˆ taˬ˗euˬ gʼawˬ mya ni ahˇ˗eu meh. Ehˇ kʼawꞈ gʼawˬ mya gʼaˬ˗euˬ gʼaˇ duˬ naˇ, gaˇ kawˆ teu˗ahˇ gʼoˆ shaw˗eu yaw shaˬ meh. (Maꞈtehˬ 13:13) Nawˬ˗ahˇ caw ba nehˬ˗eu jeˬ naˇ, aˬ jeˬ nga? Laꞈ oˆ jaˆ˗eu heu deuˬ˗ahˇ mˇ caw haw.

• Yaw jeˬ ma jeˬ gaˇ kawˆ teu naˇ, aˬ jeˬ˗euˬ gaˇ kawˆ nehˬ˗ehˇ taꞈ˗awˇ aˬ jeˬ˗euˬ aˇ baˇ nehˬ˗ehˇ sheu cehˆ taˬ nga lehˇ haw. Yaw jeˬ ma jeˬ, Pah mehˬ˗eu 3:3 laꞈ kʼoeˇ Yeˬsuˇ zaꞈ ka le˗eu (gaˇ kawˆ)˗ahˇ tahˇ joe oe˗eu (aˇ baˇ) nehˬ˗ehˇ sheu cehˆ taˬ˗euˬ meh.

• Gaˇ kawˆ teu hawˇ˗eu sheu cehˆ taˬ˗euˬ aˇ baˇ aˬ geu tsahˇ˗ahˇ duˇ leˇ nga lehˇ haw. Gaˇ kawˆ heu˗ahˇ aˬ jeˬ miˇ neh heu baˇ nehˬ˗ehˇ sheu cehˆ˗eu nga lehˇ haw˗awˇ, aˬ joˆ˗ehˇ duˇ leˇ nga lehˇ jiˇ haw.

• Nawˇ gʼoˆ shaw tsaˬ ngaˇ laˬ lehˇ yaw muiˬ˗ehˇ haw duˬ. Sheu cehˆ taˬ˗euˬ aˇ baˇ teu˗ahˇ nui jeˬ˗ehˇ gʼoˆ shaw bahˬ˗euˬ kʼawꞈ pyeuꞈ nya meh. Sheu cehˆ taˬ˗euˬ yaw jeˬ ma jeˬ teu laꞈ kʼoeˇ Yeˬsuˇ shmˇ kʼoeˬ kʼoeˬ le˗eu lehˇ oe˗euˬ maˬ ngeuˇ˗a. Teu kawˆ˗ahˇ haw ngeh, Yeˬsuˇ oe˗eu tahˇ joe oe˗eu nehˬ˗ehˇ duˇ leˇ˗eu lehˇ ehˇ˗eu heu naˇ, aˬ geu ngeh oe˗awˇ, aˬ geu ngeh ja pyuˬ ni pyeuꞈ laˇ˗eu lehˇ tiˬ gʼaˬ˗iˬ maˬ siˬ nya gaˇ ehˇ˗eu meh.

(Taiˬ hawˇ˗eu Mam dawˬ˗ahˇ haw nya meh.)