Awˇbaˬdiˇ loꞈ˗ehˇ Yeˬhawˇbaˬ˗ahˇ yaw zeu baw

Awˇbaˬdiˇ naˇ, haiˬ dui doeˇ dui dui˗eu sahˬ paˬ Aˬhaˆ˗euˬ nymˇ˗ahˇ haw˗eu pyaˆ˗eu gʼaˬ pyeuꞈ˗eu meh. Sahˬ paˬ Aˬhaˆ, Iˇsaˬleˬlaˆ miˇ kʼahˬ doe ni Baˬlaˇ miˬ yehˇ˗ahˇ uˬ duˬ tahˬ˗eu jeˬ bi jaˆ˗euˬ meh. Ehˇ kʼawꞈ Awˇbaˬdiˇ˗aˬ, “yaw nyiˇ gʼeh ngeh neh” Yeˬhawˇbaˬ˗ahˇ yaw zeu baw dui dui˗eu meh. (1 Sahˬpaˬ 18:1-13) Teu miˇ neh sahˬ paˬ ma Yeˬsaˬbeˬlaˇ Miˬyehˇ gʼaˇ duˬ ngehˬ dah˗eu deuˬ˗ahˇ sehꞈ jiˇ˗eu lehˇ ehˇ ngeh, Awˇbaˬdiˇ kʼaˬ duˬ ni tiˬ jeˬ na ya jahˇ nya lehˇ siˬ nya˗eu meh. Miˬyehˇ gʼaˇ duˬ ngehˬ dah˗eu tiˬ gʼaˬ˗ahˇ sheuˬ zaꞈ˗euˬ tehꞈ kʼawꞈ ni, shiˇ gaˇ keuˆ nya˗eu meh. Ehˇ kʼawꞈ Awˇbaˬdiˇ Miˬyehˇ gʼaˇ duˬ ngehˬ dah˗eu tiˬ yaˇ gʼaˬ˗ahˇ sheuˬ zaꞈ˗euˬ meh. Teu ngeh mehꞈ˗eu shuꞈ˗eu aˇ yamˬ pyeuꞈ kʼawꞈ, aˬ yawꞈ maꞈ˗ahˇ dzaˬ dzaˬ dawˇ dawˇ jiˇ paˇ sha ha nehˬ˗aˬ siˬ. Maˬ ngeuˇ˗eu miˬ yehˇ gʼaˇ duˬ ngehˬ dah˗eu yaw myaˬ yaˇ gʼaˬ˗ahˇ aˬ yawꞈ mˇ˗eu jeˬ˗ahˇ maˬ bi mawˇ ni yahˇ˗eu heu naˇ, aˇ naˆ ni shaˬ paˬ nga lehˇ shaˇ noeˬ haw sheˇ.—1 Sahˬpaˬ 18:19.

Miˬyehˇ˗ahˇ yaw zeu baw˗eu Awˇbaˬdiˇ˗ahˇ neh aˬ jeˬ dzaw geuꞈ nya˗eu nga? Aˬ yawꞈ Aˬhaˆ˗ahˇ guˆ kʼawꞈ, Yeˬhawˇbaˬ˗ahˇ yaw zeu baw˗awˇ guˆ dzehˬ˗eu meh. Teu miˇ neh aˬ yawꞈ shiˇ gaˇ maˬ guˆ ni Miˬyehˇ gʼaˇ duˬ ngehˬ dah˗eu deuˬ˗ahˇ haw piˇ nehˬ˗euˬ meh. Aˬ dui jawˇ˗eu miˇ kʼahˬ˗ahˇ tsaꞈ gaˬ˗eu gaˇ˗ahˇ laˆ naˬ taˬ˗euˬ naˇ, aˬ dui jiˇ Awˇbaˬdiˇ loꞈ˗ehˇ Yeˬhawˇbaˬ˗ahˇ yaw zeu baw˗eu tiˬ gʼaˬ pyeuꞈ mawꞈ˗eu ma. Miˬyehˇ˗ahˇ yaw zeu baw˗eu jeˬ aˬ dui˗ahˇ shaˬ luꞈ˗eu mehˇ nmˇ deuˬ˗ahˇ caw ba nehˬ peuˬ ni laˆ noeˬ nehˬ˗eu meh.

(Taiˬ hawˇ˗eu Mam dawˬ˗ahˇ haw nya meh.)