Hyɛ Anwʋlazʋ Mɔɔ Ɔwɔ Kɛɛ Gyehova Kɔhʋla Kele Wʋ Nɩ Nu Ɛzɩzɩbɛ

Kɩnga Nɔmɛsɩ 13:25–14:​4, na kila kezimɔ Yizilayamaa yɩ bɛányia Gyehova nu dedi.

Sunzu odwokɔ yɩ nwʋ kɔ aɣinzi. Mɩnla ti mɔɔ ankɩ nɩ ɩsɛ kɛɛ Yizilayamaa nɩ nyia Gyehova nu anwʋlazʋ kɛɛ ɩkɔhʋla kele bɛ mmɩlɩ mɔ bɔzʋ̃ Igyibiti bɛyɩɩ bɔ nwʋ nɩ a? (Ndw. 78:​12-16, 43-53) Mɩnla yɛ ɩmanlɩ anwʋlazʋ mɔɔ bɔwɔ wɔ Gyehova nu nɩ hanlɩ azɩ a? (Dit. 1:​26-28) Mɩnla ɔhʋanɩ zʋ yɛ Dwohyuwa nɩɩ Kelɛbɩ lalɩ yɩ ali kɛɛ bɔwɔ Gyehova nu anwʋlazʋ a?—Nɔ. 14:​6-9.

Pɩbɛ sʋ̃maa. Mɩnla yɛ ankɩ Yizilayamaa yɩ kɔhʋla kɛyɛ na ama anwʋlazʋ mɔɔ bɔwɔ wɔ Gyehova nu nɩ ɩayɛ kezi a? (Ndw. 9:10; 22:4; 78:11) Mɩnla ti mɔɔ sɛ yɛkɔhʋla kenyia Gyehova nu anwʋlazʋ a ɩsɛ kɛɛ yebu yi a?—Nɔ. 14:11.

Pɩbɛ ozumalɛdɩyɛ mɔɔ ɩwɔ numɔ. Bizia wʋ nwʋ kɛɛ:

• ‘Mɩnla bʋwabɩlɛ azʋlɔtʋ yɛ ɩkɔhʋla kodwe anwʋlazʋ mɔɔ mʋwɔ wɔ Gyehova nu nɩ kehila a?’

• ‘Kɛ ɩkɛyɛ na mɩahʋla mɩahyɛ anwʋlazʋ mɔɔ mʋwɔ wɔ Gyehova nu nɩ ɛzɩzɩbɛ wɔ nnɛ nɩɩ eɣile be a?’

• ‘Sɛ anwʋhyɩlɩyɛ kezile yi bɔ yɩ tʋ a, mɩnla anwʋlazʋ yɛ mʋkɔhʋla mikenyia a?’—Lk. 21:​25-28.