Mɔɔ Ɩkɔwʋwa Wʋ Ma Ɛkɛɣɩnga Wʋ Bayɩbʋlʋ Eɣile Bela

Nnɛ, iluwakɛɛ ye munwala yéni alagyɩ wɔ yɛ ɛbɩlawɔlɛ nu ti, asʋ̃ ɩyɛ sɩ ɩma wʋ kɛɛ ɛkɛɣɩnga Bayɩbʋlʋ yɩ eɣile bela a? (Dwh. 1:8) Sɛ zɔ a, twé adwɩnɩhilelɛ eyimmɔ kila:

• Sɛtɩ alaamɩ ma ɩhakɛ́ wʋ eɣile bela. Sɛtɩ alaamɩ wɔ wʋ foonu zʋ ma ɩhakɛ́ wʋ kɛɛ ɩsɛ kɛɛ ɛyɛ wʋ Bayɩbʋlʋ ɛɣɩngalɛ.

• Fa wʋ Bayɩbʋlʋ yɩ tiã dɩka mɔɔ ɔkɔnwʋ yɩ. Sɛ wʋ Bayɩbʋlʋ yɩ dɩ mɔɔ bɛbɩlɩntɩ yɩ be a, fa tiã dɩka mɔɔ ɩáyɛ sɩ kɛɛ eɣile bela ɔkɔnwʋ yɩ.—Dit. 11:18.

• Tiye mɔɔ bɛyɛ yɩ odiyo nɩ be. Tiye Bayɩbʋlʋ mɔɔ bɛyɛ yɩ odiyo nɩ be mmɩlɩ mɔ ɛyɛɛ wʋ egyima azʋlɔtʋ wɔ eɣile yi nu nɩ. Tara dɩ ɔhʋanɩbukolɛvʋlɔ nɩɩ enlinlɛ mɔɔ ɩkɔ egyima nunuma. Ɩkã kɛɛ, “Bayɩbʋlʋ mɔɔ bɛyɛ yɩ odiyo mɔɔ mitiye mmɩlɩ mɔ mɩyɛɛ awudo egyima nɩ bʋwa mɩ ma mɩyɛ Bayɩbʋlʋ ɛɣɩngalɛ eɣile bela.”

• Kɔ zʋlɔ bɔ mmɔdɩnɩ. Sɛ bʋwabɩlɛ azʋlɔtʋ be mɔɔ wʋáhila ɔhʋanɩ ti wʋákʋla kɩnga wɔ mmɩlɩ mɔ ɛhyɩhyɛ diã kɛnɩ nɩ a, kɩnga nkyɩkyɛmi ɛgyɩkɩ̃ɩ̃ be ansaana wʋala. Sɛ ɛkɩnga nkyɩkyɛmi ɛgyɩkɩ̃ɩ̃ be eɣile bela po a, ekenyia zʋlɔ mfasʋ.—1 Pit. 2:2.