Áma Edi Mmenii Sʋ̃maa Bɛ Mɛda

23:1-3

Kɔkɔwɔlɛ mɔɔ Gyehova ɩva ɩmanlɩ ndɛnɩwuwalɛmaa nɩɩ alasɩvʋlɔmaa nɩ kɛɛ, máma bedi mmenii sʋ̃maa mɛda bɛkyɩyɩa ndɛnɩwuwalɛ anzɛnyɩɩ bekyina awohwi dasɩlɛ zʋ bobuwa ndɛnɩ nɩ, sa yɛkʋla yɛfa yedi egyima wɔ yɛ ɛbɩlawɔlɛ yɩ ɔfʋã azʋlɔtʋ nu sʋ̃. Oyuwadɩ eyi ɩhyɛɛ Kilisinyiamaa ɛzɩzɩbɛ ɛzɩzɩbɛ kɛɛ bɔdwɩ́ anzɛnyɩɩ bɛyɛ́ bɛ dɩyɛ wɔ ɔhʋanɩ be zʋ dɩkɛɛ mɔɔ mmenii mɔɔ bɛáwu Gyehova bɛyɛ nɩ.—Wul 12:2.

Mɩnla ti mɔɔ nɣɛlɛbɛ íni numɔ kɛɛ yekeli mmenii sʋ̃maa bɛ mɛda mmɩlɩ mɔ

• yɛdɩ ndwokɔ be mɔɔ dasɩlɛ bela íni nwʋmɔ nɩ a?

• yesii pɔkɔ wɔ ntalɩwulalɛ, eɣinliyɛlɛ nɩɩ eɣinliyɩlɛ, anzɛnyɩɩ anyɩnlɩlelɛdɩyɛ nwʋ a?

• yɛdwɩndwɩnɩɩ kezimɔ yɛ nɩɩ mmenii mɔɔ ɔsʋnɩ manlɩ mɔɔ bɔzʋ̃ nu, bɛ amamu, anzɛnyɩɩ kezimɔ bɛ ozukua ndwokɔ ɩdɩ nɩ keli nɩ nwʋ a?