Mɩnla Yɛ Ɔnwʋmɔ Ihyinyia Mɩ Baaba a?

Gyekɔpʋ ɩ nɩɩ bɔvʋlɔ nɩ belili apɩlɩ apɩlɩ na ama yɩ sa ɩahã dɩyɛ be mɔɔ nwʋmɔ ihyinyia—Gyehova yɩ nyilalɛ. (Gyn 32:24-31; Ho 12:3, 4) Amɩyɛzayɛ sʋ̃ ɛ? Asʋ̃ yɛbɔɔ mmɔdɩnɩ kɛɛ yekediye Gyehova na yɛanyia yɩ nyilalɛ a? Kɛ ndianwʋ nɩ, sɛ ɩba yɩ kɛɛ yezí pɔkɔ kɛɛ yɛkɔhɔ dɩyɛzumanlɛ anzɛnyɩɩ yɛkɛhalɩ egyima nu yɛkɛyɛ egyima dɔnɩhwɩlɩ be yɛkɛhɩnla nwʋ a, mɩnla yɛ yɛkɛyɛ a? Sɛ yɛfa yɛ mmɩlɩ, yɛ anwʋzɩzɩbɛ, nɩɩ yɛ anwʋnyia munwala yɛma Gyehova a, itwonwɔ ‘nyilalɛ ikua yɛ zʋ ma ibulu yɛ zʋ.’ (Mal 3:10) Sa ikile ɔhʋanɩ yɛ, ɩbɔ yɛ nwʋ banɩ, na iali yɛ ahyinyiadɩ nwʋ egyima.—Mt 6:33; Hib 13:5.

KILÁ VIDIYO MƆƆ BƐYƐ YƖ DƖLAMA MƆƆ ISE FÁ WƲ ANYƖ SIYE SUNZUMA ƆFƲÃ NU BƲTAYƖ AZƲLƆTƲ ZƲ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla ɔhʋanɩ zʋ yɛ mɔɔ eliyema baalɛ nɩ yɩ anyɩ ideli nwʋmɔ nɩ ɩɣa ɩyɛlɩ odwohilalɛ ɩmanlɩ yɩ a?

• 

  Mɩnla ɔhʋanɩ zʋ yɛ ye egyima ɩkɔhʋla ikodwe yɛ ikehila a?

• 

  Ɩávalɩ nwʋmɔ kɛɛ nɩ Timoti yɩ nwʋ ɩwʋkwa wɔ sunzuma ɔfʋã nu nɩ, mɩnla ti mɔɔ nɩ ihyinyia kɛɛ ɩfa bʋtayɩ azʋlɔtʋ isiyeziye yɩ anyɩ zʋ a?—1Tim 4:16

• 

  Kɛ ɩkɛyɛ na yɛahile “egyima mɔɔ yɛ anyɩ ideli nwʋmɔ paa” a?