BAYƖBƲLƲ NU ANWƲNYIA | GYƐNƐSƖSƖ 32-33

Asʋ̃ Eminyiaa Wʋ Nwʋ Ekenyia Nyilalɛ a?

Sɛ yekenyia Gyehova yɩ nyilalɛ a, ɩsɛ kɛɛ yeminyia yɛ nwʋ kɛɛ yɛkɛva Bulombunlililɛ nwʋ nninyeni yekeli bɔmʋnlɩ wɔ yɛ ɛbɩlawɔlɛ nu. (1Kɔl 9:26, 27) Gyekɔpʋ mɔɔ nɩ yɩ anyɩ ɩdɩ nɩ, ɩlalɩ subanɩ be ali mɔɔ ɩsɛ kɛɛ yesuma na ama yɛahʋla yeali yɛ Kilisinyianɩ asɛdɩ azʋlɔtʋ nwʋ egyima bʋwɔ. Yekile kɛɛ yeminyiaa yɛ nwʋ yɛkɛbɩbɛ Gyehova yɩ nyilalɛ iluwa . . .

Dɩyɛ mɔɔ yekozuma yɩ bʋwɔ ansaana yɛahɔ asafʋ ayiyialɩyɛ
Yɛ nwʋ mɔɔ yɛkɛva yekowula dasɩlɛlilɛ nu eɣile bela
Mmɔdɩnɩ mɔɔ yɛkɔwɔ kɛɛ yɛkɔwʋwa mmeliyema wɔ asafʋ yi nu

Mfonyini: Enlinlɛ be mɔɔ íni alagyɩ. 1. Ɩbɔɔ mpayɩ ɩkɛva ɩkɔwɔ eɣile nɩ yɩ egyimalilɛ tʋ. 2. Ɩmaa yɩ ɣa baalɛ kuakula nɩ alɩyɛ ansaana bɛahɔ dasɩlɛlilɛ. 3. Ɩ nɩɩ yɩ mma mmaalɛ anwɩ̃ nɩɩ mmeliyema mmaalɛ be mɔɔ bɔwɔ yɩ asafʋ nu nɩ bɛlɛ anyɩnlɩlelɛ bɛyɛɛ dasɩlɛlilɛ egyima nɩ.

Ɩávalɩ nwʋmɔ kezimɔ wʋ bʋwabɩlɛ nu ɩyɛ ɛzɩzɩbɛ nɩ, bɔ́ Gyehova mpayɩ fa pɩbɛ yɩ mmʋwalɩyɛ nɩɩ yi nyilalɛ eɣile bela wɔ mmɔdɩnɩ mɔɔ ɔbɔɔ kɛɛ ɔkɔzʋ̃mɩ yɩ nɩ nu.

BIZIÁ WƲ NWƲ KƐƐ, ‘Wɔ mɩ ɛbɩlawɔlɛ nu nɩ, mɩnla nninyeni azʋlɔtʋ nu yɛ ihyinyia kɛɛ mʋbɔ mmɔdɩnɩ kɛɛ mikenyia Gyehova yi nyilalɛ a?’