Mɔɔ Ɩkɛma Ɛkɛdɩ Ndindianwʋ Mɔɔ Ɩwɔ Bayɩbʋlʋ Yɩ Nu Nɩ Tʋ

Ndindianwʋ sʋ̃maa wɔ Bayɩbʋlʋ yɩ nu. Naasʋ̃, kɛ abiyela mɔɔ ɩkɩnga Bayɩbʋlʋ yɩ nɩ yɛ ɩtɩ yɩ tʋ a. (Mt. 13:13) Mɩnla yɛ ɩkɔwʋwa wʋ ma ɛkɛdɩ ndindianwʋ mɔɔ ɩwɔ Bayɩbʋlʋ yɩ nu nɩ tʋ bʋwɔ paa a? Twe ahʋanɩ eyimmɔ kila:

• Bɔ mmɔdɩnɩ kɛɛ ɔkɔnwʋ mɔɔ bɛkãã nwʋmɔ odwokɔ ankasa nɩɩ mɔɔ bɛlɛ betindiãã nwʋmɔ nɩ. Kɛ ndianwʋ nɩ, Yikile 3:3 fa Gyisɛsɩ yɩ ɛɣalɩyɛ yɩ (mɔɔ bɛkãã nwʋmɔ odwokɔ ankasa) tindiã awulovʋlɔ mɔɔ ibawuwa dɩyɛ (mɔɔ bɛlɛ betindiã nwʋmɔ) nɩ nwʋ.

• Bɔ mmɔdɩnɩ kɛɛ ɔkɔnwʋ kezimɔ mɔɔ bɛkãã nwʋmɔ odwokɔ ankasa nɩɩ mɔɔ bɛlɛ betindiã nwʋmɔ nɩ di nsɛ. Pɩbɛ sianti azʋlɔtʋ ti mɔɔ bɛva debe bedindiã dɩyɛ fʋlɔ nwʋ, nɩɩ nninyeni mɔɔ ɩma bedi nsɛ nɩ nu.

• Bɔ mmɔdɩnɩ kɛɛ ɛkɛdɩ ozumalɛdɩyɛ mɔɔ ɩwɔ idindianwʋ yɩ nu nɩ tʋ. Itwu mmɩlɩ be a, abiye kɔhʋla kɛdɩ mɔɔ bɛkãã nwʋmɔ odwokɔ ankasa nɩɩ mɔɔ bɛlɛ betindiã nwʋmɔ nɩ yɩ tʋ wɔ ɔhʋanɩ fʋlɔ zʋ kʋlaa. Kɛ ndianwʋ nɩ, Yikile 3:3 mɔɔ yeli bɔmʋnlɩ yɛhã nwʋmɔ odwokɔ nɩ iáhile kɛɛ Gyisɛsɩ dɩ awulovʋlɔ mɔɔ ibawuwa dɩyɛ. Mfomi ɩmaa yɛkɔnwʋ kɛɛ, kɛmɔ awulovʋlɔ ɩba iwuwa dɩyɛ aɣilemvile nu mɔɔ ɩáwɔ abiyela amanɩyɛ nɩ, ɔzɔ la yɛ Gyisɛsɩ kɛɣa mmɩlɩ mɔ mmenii bɛ anyɩ ɩála nɩ a.