Kezimɔ Yɛkɔhʋla Kɛhakɛ Ɛhɛlɛlɛ Ndwokɔ

Asʋ̃ ɩyɛ a, ɩyɛ sɩ ɩma wʋ kɛɛ ɛkɛhakɛ Ɛhɛlɛlɛdwokɔ be mɔɔ wʋ anyɩ deli nwʋ a? Ebiye a, ɩdɩ odwokɔ be mɔɔ ɩkyɩkyɩ wʋ ɛɣɛɛlɛ, ɩbʋwa wʋ ma edi nzunzunlɩyɛ tanɩ be zʋ̃, anzɛnyɩɩ ɛpɛ kɛɛ ɛ nɩɩ mmenii mvʋlɔ kyɛ. (Ndw. 119:​11, 111) Sɛ ɔzɔ a, mɛyɩ nɩ kila adwɩnɩhilelɛ azʋlɔtʋ eyi mɔɔ ɩkɔhʋla kɔwʋwa wʋ ma ɛkɛhakɛ ɛhɛlɛlɛ ndwokɔ.

• Fa tag mɔɔ ɩwɔ JW Library^® zʋ nɩ di egyima. Hyɩhyɛ wʋ tag dɩyɛ na kɛlɛ zʋlɔ “Ɛhɛlɛlɛ Ndwokɔ Mɔɔ Mɩ Anyɩ Deli Nwʋ,” na kɛlɛ ɛhɛlɛlɛ ndwokɔ bela mɔɔ ɛpɛ kɛɛ ɛkakɛ nɩ kua ɔzɔ ɔfʋã yɩ.a

• Kɛlɛ ɛhɛlɛlɛdwokɔ yɩ kua dɩka mɔɔ ɔkɔnwʋ yɩ. Kɛlɛ nkyɩkyɛmi mɔɔ ɛpɛ kɛɛ ɛkakɛ nɩ kua kɛlɛta ɛgyɩkɩ̃ɩ̃ be zʋ̃, na fa fʋãmɩ dɩka mɔɔ ɛkɛda ɔkɔnwʋ yɩ. Abiyemmɔ fa fʋãmɩ bɛ awɔhwɛ anyunu; mmenii mvʋlɔ sʋ̃ fa fʋãmɩ bɛ fɩlɩgyɩ nwʋ. Abiyemmɔ sʋ̃ tuá ɛhɛlɛlɛdwokɔ yɩ mfonyini na bɛfa betiã bɛ kɔmpiyuta anzɛnyɩɩ bɛ foonu yɩ anyunu.

• Tudua ahɛlɛta ngyɩkɩ̃ɩ̃ ngyɩkɩ̃ɩ̃ na kɛlɛ kua zʋlɔ. Kɛlɛ ɛhɛlɛlɛdwokɔ yɩ kua ɔfʋã ɔkʋ̃ na fa numɔ ndwokɔ yɩ sʋ̃ kua yɩ ɔfʋã ɔkʋ̃ yɩ sʋ̃. Sɛ ekila ɔfʋã mɔɔ kotehyɛnɩ yɩ wɔ a, nɩ ɔwɔ mmɔdɩnɩ kɛɛ ɛkɛhakɛ numɔ ndwokɔ yɩ, anzɛnyɩɩ sɛ ekila ɔfʋã mɔɔ numɔ ndwokɔ yɩ wɔ a, nɩ ɔwɔ mmɔdɩnɩ kɛɛ ɛkɛhakɛ kotehyɛnɩ yɩ.