Pɩbɛ Dɩka Baaba Mɔɔ Okozuma Dɩyɛ

Asʋ̃ ɛpɛ kɛɛ enyia mfasʋ sʋ̃maa wɔ wʋzawʋ wʋ dɩyɛzumanlɛ zʋ a? Sa ɔkʋla twe adwɩnɩhilelɛ eyimmɔ kila na ɩkɔhʋla kɔwʋwa wʋ ma ɛkɛva wʋ adwɩnɩ keziye mɔɔ osumaa nɩ zʋ bʋwɔ:

• Pɩbɛ dɩka mɔɔ ɩdɩ baaba. Sɛ ɩkɛyɛ bʋwɔ a, pɩbɛ dɩka mɔɔ ɛkɛnɩ tɩ na hanyɩɩ wɔ kɛnɩ, na ama wʋanwʋ mɔɔ ɛkɩngaa nɩ nu. Sa ɔkʋla bʋwa ɔbʋnlɩ nwʋ anzɛnyɩɩ dɩka be mɔɔ ɛkɛnɩ yɛ dinyii wɔ punwuanu.

• Pɩbɛ dɩka be mɔɔ wʋzawʋ nkʋ̃ ɔkɔhʋla kɔwʋwa kɛ. Gyisɛsɩ wɔlɩ mpayɩ “awulobahyɩ̃ ansaana azɩ ɩbadɩdɩ” wɔ “dɩka be mɔɔ ɛkɛnɩ ɩdɩ kɔnwʋʋ.” (Mk. 1:35) Sɛ ɩlɛ́yɛ bʋwɔ kɛɛ wʋzawʋ nkʋ̃ ekenyia dɩka kɔwʋwa a, mɛyɩ nɩ ma wu mmusunwamaa anzɛnyɩɩ mmenii mɔɔ ɛ nɩɩ bɛ da nɩ bɔnwʋ́ mmɩlɩ mɔ ɛfa suma dɩyɛ na ama bɛálileli wʋ mmɩlɩ mɔ osumaa dɩyɛ nɩ.

• Bɔ mmɔdɩnɩ kɛɛ ɛlɛ́ma dɩyɛ bela kɔhwɩnhwɩ̃ wʋ adwɩnɩ. Sɛ foonu anzɛnyɩɩ tabɩlɛtɩ yɛ ɛfa suma dɩyɛ a, fa tiã dɩka mɔɔ ilósũ kɛyɛ dede kɔhwɩnhwɩ̃ wʋ adwɩnɩ. Na sɛ ɛkakɛ kɛɛ ɔwɔ debe yɛ a, kɛlɛ tiã kɛnɩ na wʋ ɛɣɛɛlɛ iávili na osuma dɩyɛ owie a, wʋali nwʋmɔ egyima. Sɛ ɩyɛ sɩ ɩma wʋ kɛɛ ɛkɛva wʋ adwɩnɩ keziye dɩyɛzumanlɛ yɩ zʋ a, twodwu na tiyiadiyia ɛgyɩkɩ̃ɩ̃.