Kɔ́ Ɔzʋlɔ Tɩdɩ Wu Ti Ɔwʋwaba

Kɛmɔ tɔlɔnwadulɛvʋlɔ ɩkɔ ɔzʋlɔ ɩtɩdɩ yɩ nwʋ na ama yɩ nwʋ awʋkwa nɩ, ɔzɔ la yɛ ɩsɛ kɛɛ yɛkɔ ɔzʋlɔ yeminyia yɛ nwʋ yɛtɩdɩ ye ti ɔwʋwaba a. (Hib 5:14) Ɩwɔ numɔ kɛɛ, ebiye a yɛta yekila mmenii mvʋlɔ bɔ pɔkɔzilɛ zʋ na yɛazi ebiye dɩyɛ, naasʋ̃ ɩsɛ kɛɛ yesuma kɛɛ amɩyɛzayɛ yɛkɔdwɩ̃ na yɛazizi yɛ abɔkɔ. Mɩnla ti a? Iluwakɛɛ ye nu ɔkʋ̃ bela ikowu yɩ pɔkɔzilɛ nwʋ ngʋnda.—Wul 14:12.

Íni kɛɛ yɛtɩ nɣanlɩ kɛɛ yenlumanlɩ ahyɛ nɩ ti, sa yɛkʋla yesizi abɔkɔ baaba. Sɛ yekezizi abɔkɔ mɔɔ nɣɛlɛbɛ wɔ nu a, ihyinyia kɛɛ yɛfa yɛ nwʋ munwala yetiã Gyehova, yi Odwokɔ yɩ nɩɩ yɩ ahyɩhyɛdɩ nɩ zʋ.—Dwh 1:7, 8; Ɛɣɛ 3:5, 6; Mt 24:45.

KILÁ VIDIYO MƆƆ BƐYƐ YƖ DƖLAMA MƆƆ ISE “MÁMA BƐYƐ DƖYƐ BELA MA MƲNLƲMMƆ BƐ ADWƖNƖ IBU BƆ ƆFƆ,” NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla pɔkɔ yɛ nɩ ɩsɛ kɛɛ Emma isi a?

• 

  Sɛ ɩba yɩ nɩ tile ɔwʋwaba nwʋ odwokɔ a, mɩnla ti mɔɔ íni kɛɛ yɛfa kezimɔ yɛtɩ nɣanlɩ yɛhyɛ mmenii mvʋlɔ bɔ zʋ a?

• 

  Fʋlɔdulɛ mɔɔ nɣɛlɛbɛ wɔ numɔ ɛhɩnla dɩyɛ yɛ agyiahʋnlɩmaa be bɛva bɛmanlɩ Emma a?

• 

  Ɛhɩnla dɩka yɛ Emma inyianlɩ ndwokɔ mɔɔ ɩfalɩ yɩ bʋwabɩlɛ nwʋ mɔɔ ɩkɔwʋwa yɩ a?