Bayɩbʋlʋ Nu Nɔhʋanlɛ Ndwokɔ Mɔɔ Yɛ Anyɩ Deli Nwʋmɔ Kɛɛ Yekehilehile

Gyisɛsɩ hanlɩ kɛɛ ahʋnlɩnɩbamaa kɛyɛ azʋnlɩ kɛma nɔhʋanlɛ yɩ wɔ mmɩlɩ mɔ bɛdɩ nɩ. (Dwɔ. 10:​4, 27) Meti mmɩlɩ bela mɔɔ yekenyia nwʋmɔ ɔhʋanɩ yɛ nɩɩ mmenii kɛdɩndɛ nɩ, yɛpɛ kɛɛ yɛkã Bayɩbʋlʋ nu odwokɔ sikalɛ be yekile bɛ. Sɛ ɛdaa Bayɩbʋlʋ nu nɔhʋanlɛ be ali a, sa ɔkʋla ebizia kɛɛ: “Asʋ̃ ezi kɛɛ . . . a?” anzɛnyɩɩ “Asʋ̃ ɛdɩ yɩ kyɩ̃ kɛɛ . . . a?” Akʋ̃ fa ɛhɛlɛlɛ odwokɔ anzɛnyɩɩ ɛhɛlɛlɛ ndwokɔ mɔɔ ɩfalɩ nwʋ nɩ kilehile Bayɩbʋlʋ nu nɔhʋanlɛ yɩ nu. Bayɩbʋlʋ nu nɔhʋanlɛ sikalɛ mɔɔ yɛkɛhã yekehile abiye nɩ, ɩkɔhʋla ikoluwa mma wɔ yɩ ahʋnlɩnɩ nu na Nyamɩnlɩ kɔhʋla kɛma ɔzɔ mma nɩ kenyi!—1 Kɔl. 3:​6, 7.

• Eɣile Be

• Abusunwa

• Nyamɩnlɩ

• Mpayɩwɔlɛ

• Gyisɛsɩ

• Nyamɩnlɩ Yɩ Bulombunlililɛ

• Amanɩyɛnwʋnlɛ

• Owulo

• Ɔzʋ̃mɩnlɛ

EƔILE BE

1. 1. Nninyeni mɔɔ isizii nɩɩ mmenii bo subanɩ da yɩ ali kɛɛ ɩlɛ́kyɛ nninyeni kɛzɩnza.—Mt. 24:​3, 7, 8; Lk. 21:​10, 11; 2 Tim. 3:​1-5.

2. 2. Bɛlɛ́sɩkɛ azɩlɛ yɩ kyɩ̃.—Ndw. 104:5; Odw. 1:4.

3. 3. Bekezia bekeziyeziye azɩlɛ yɩ ma ɩkɛyɛ paladayɩsɩ.—Ayɩ. 35:​1, 2; Yik. 11:18.

4. 4. Abiyela kenyia pɔkɔdɩlɛ baaba.—Ayɩ. 33:24; 35:​5, 6.

5. 5. Sa ɔkʋla ɔbʋwa azɩlɛ yɩ zʋ daabaa.—Ndw. 37:29; Mt. 5:5.

ABUSUNWA

1. 6. Ɩsɛ kɛɛ ohunɛ “dɔ yɩ yɩ kɛɛ yɩzayɩ munli yɩ nwʋ.”—Ɛfɩ. 5:33; Kol. 3:19.

2. 7. Ɩsɛ kɛɛ ɛyɩlɛ bu yi hũ baaba. —Ɛfɩ. 5:33; Kol. 3:18.

3. 8. Ɩsɛ kɛɛ ohunɛ nɩɩ ɛyɩlɛ bedi nɔhʋanlɛ bɛma bɔ nwʋ.—Mal. 2:16; Mt. 19:​4-6, 9; Hib. 13:4.

4. 9. Ikezi nnwuakula mɔɔ bobu bɛ awʋvʋlɔ na betiye bɛ nɩ bʋwɔ. —Ɛɣɛ. 1:​8, 9; Ɛfɩ. 6:​1-3.

NASA, ESA nɩɩ the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

NYAMƖNLƖ

1. 10 .Nyamɩnlɩ wɔ dima.—Ndw. 83:18; Gyɛ. 10:10.

2. 11 .Nyamɩnlɩ tɩndɛ kile yɛ.—2 Tim. 3:​16, 17; 2 Pit. 1:​20, 21.

3. 12. Nyamɩnlɩ ɩáyɩyɩ mmenii nu.—Dit. 10:17; Egy. 10:​34, 35.

4. 13 .Nyamɩnlɩ pɛ kɛɛ ɩbʋwa yɛ.—Ndw. 46:1; 145:​18, 19.

MPAYƖWƆLƐ

1. 14. Nyamɩnlɩ pɛ kɛɛ yɛbɔ yɩ mpayɩ.—Ndw. 62:8; 65:2; 1 Pit. 5:7.

2. 15. Bayɩbʋlʋ kilehile yɛ kezimɔ yɛkɔwɔ mpayɩ.—Mt. 6:​7-13; Lk. 11:​1-4.

3. 16. Ɩsɛ kɛɛ yɛta yɛbɔ mpayɩ.—Mt. 7:​7, 8; 1 Tɛs. 5:17.

GYISƐSƖ

1. 17. Gyisɛsɩ dɩ kilehilevʋlɔ kezile mɔɔ yɩ fʋlɔdulɛ bʋwa yɛ nnɛ.—Mt. 6:​14, 15, 34; 7:12.

2. 18. Gyisɛsɩ hanlɩ nninyeni mɔɔ isizii nnɛ nɩ nwʋ odwokɔ idianlɩ kɛnɩ. —Mt. 24:​3, 7, 8, 14; Lk. 21:​10, 11.

3. 19. Gyisɛsɩ dɩ Nyamɩnlɩ Ɣalɛ. —Mt. 16:16; Dwɔ. 3:16; 1 Dwɔ. 4:15.

4. 20. Gyisɛsɩ ɩ́dɩ Dɩyɛ Munwala Zʋ Tumivʋlɔ Nyamɩnlɩ nɩ.—Dwɔ. 14:28; 1 Kɔl. 11:3.

Igyĩ NASA/Visible Earth bo mfonyini zʋ

NYAMƖNLƖ YƖ BULOMBUNLILILƐ

1. 21. Nyamɩnlɩ yɩ bulombunlililɛ dɩ aɣanɩ ankasa mɔɔ ɩwɔ sʋlɔ.—Da. 2:44; 7:​13, 14; Mt. 6:​9, 10; Yik. 11:15.

2. 22. Nyamɩnlɩ yɩ bulombunlililɛ yɩ kɛɣa keziye enii yɩ aɣanɩ yɩ agyia nu.—Ndw. 2:​7-9; Da. 2:44.

3. 23. Nyamɩnlɩ yɩ bulombunlililɛ la yɛ ɩkɔhʋla ikeli adasamaa bɛ ɔhawʋ munwala nwʋ egyima.—Ndw. 37:​10, 11; 46:9; Ayɩ. 65:​21-23.

AMANƖYƐNWƲNLƐ

1. 24.  Kɛ Nyamɩnlɩ yɛ ɩma yɛnwʋ amanɩyɛ.—Dit. 32:4; Gye. 1:13.

2. 25. Setanɩ yɛ idii oyuwadɩ eyi zʋ.—Lk. 4:​5, 6; 1 Dwɔ. 5:19.

3. 26. Nyamɩnlɩ nwʋ amanɩyɛ mɔɔ ɔnwʋ yɩ nɩ na ɩpɛ kɛɛ ɩbʋwa wʋ.—Ndw. 34:​17-19; Ayɩ. 41:​10, 13.

4. 27. Ɩlɛ́kyɛ Nyamɩnlɩ kɛyɩ amanɩyɛnwʋnlɛ wɔ ɛkɛ.—Ayɩ. 65:17; Yik. 21:​3, 4.

OWULO

1. 28. Enii wu a, nɩ iwu na bɛáyɛ bɛ atɩɩtɩɩ wɔ dɩka bela.—Odw. 9:5; Dwɔ. 11:​11-14.

2. 29. Awuvʋlɔ lɔ́kʋla kɔwʋwa yɛ na bɔlɔ́kʋla bɛkɛha yɛ sʋ̃.—Ndw. 146:4; Odw. 9:​6, 10.

3. 30. Bokodunwo yɛ alɔvʋlɔ mɔɔ bowuwu nɩ.—Dwb. 14:​13-15; Dwɔ. 5:​28, 29; Egy. 24:15.

4. 31. Nyamɩnlɩ kɛyɩ owulo wɔ kɛnɩ daabaa.—Yik. 21:​3, 4; Ayɩ. 25:8.

ƆZƲ̃MƖNLƐ

1. 32. Kɛ ɔzʋ̃mɩnlɛ munwala yɛ Nyamɩnlɩ de tiã nu.—Gyɛ. 7:11; Mt. 7:​13, 14, NWT; Mt. 7:​21-23.

2. 33. Nyamɩnlɩ kyi nnabɩlaba nyɛlɩyɛ.—Ayɩ. 29:13; Mik. 3:11; Mk. 7:​6-8.

3. 34. Ɔlɔlɛ kanyɩɩ yɛ ɩma yɛnwʋ nɔhʋanlɛ ɔzʋ̃mɩnlɛ.—Mik. 4:3; Dwɔ. 13:​34, 35.