Voetnoot
b Dit is opmerklik dat die eerste definisie van “hoerery” (“fornication”) in Webster’s New Collegiate Dictionary die volgende is: “Menslike geslagsomgang buiten tussen ’n man en sy vrou.” En waar dit “omgang” (heteroseksuele, anale, mondelinge) definieer, sê dit dat “die geslagsorgane van ten minste een persoon” daarby betrokke is. Die Engelse woord “fornication” is dus ’n gepaste vertaling van die Griekse woord porneia.
The New International Dictionary of New Testament Theology sê byvoorbeeld dat porneia “onkuisheid, ontug, prostitusie, hoerery” beteken. Dit sê ook: “Die woordgroep [waarin porneia voorkom] kan verskeie buite-egtelike vorme van seksuele gedrag beskryf in soverre dit afwyk van aanvaarde maatskaplike en godsdienstige norme (bv. homoseksualiteit, promiskuïteit, pedofilie [seksuele misbruik van kinders], en veral prostitusie).” Porneia sluit gevolglik egbreuk (Grieks, moikheia) in, en kan ’n wyer reeks ander onsedelike gebruike buite die huwelik, soos mondelinge of anale seks en bestialiteit, dek.
Die 1979-uitgawe van die gesaghebbende Greek-English Lexicon of the New Testament and Other Early Christian Literature (deur Bauer, Arndt en Gingrich) definieer porneia as “prostitusie, onkuisheid, hoerery, van allerhande soorte ongeoorloofde geslagsomgang”.