Is Jehovah se Getuies Protestante?

Nee. Jehovah se Getuies is Christene, maar ons beskou onsself nie as Protestante nie. Waarom nie?

Protestantisme is al omskryf as ’n “godsdiensbeweging wat Rooms-Katolisisme teëstaan”. Hoewel dit waar is dat Jehovah se Getuies nie met die leerstellings van die Katolieke Kerk saamstem nie, beskou ons onsself nie as Protestante nie weens die volgende redes:

1. ’n Aantal Protestantse oortuigings is in stryd met wat die Bybel in werklikheid leer. Die Bybel leer byvoorbeeld dat ‘daar een God is’, nie ’n Drie-eenheid nie (1 Timoteus 2:5; Johannes 14:28). En dit leer duidelik dat God die goddeloses met ewige vernietiging straf, nie in ’n helse vuur nie.​—Psalm 37:9; 2 Tessalonisense 1:9.

2. Ons teken nie protes aan teen die Katolieke Kerk of enige ander godsdiensgroep nie, en ons probeer hulle ook nie hervorm nie. Inteendeel, ons verkondig eenvoudig die goeie nuus van God se Koninkryk en probeer ander help om geloof in hierdie goeie nuus op te bou (Matteus 24:14; 28:19, 20). Ons stel nie daarin belang om ander godsdiensgroepe te probeer hervorm nie, maar om opregte mense die waarheid oor God en sy Woord, die Bybel, te leer.​—Kolossense 1:9, 10; 2 Timoteus 2:24, 25.