Ons dank u, Jehovah

1. Ons dank u, Jehovah, vir lig wat u gee,

want dit help ons wandel in al u weë.

Ons dank u dat ons ook die voorreg mag hê

om al ons probleme voor u te lê.

2. Ons dank u, o God, vir u dierbare Seun,

want sy goeie voorbeeld help iedereen.

Ons dank u dat u ons van leiding voorsien;

so help u ons daagliks om u te dien.

3. Ons dank u, o God, vir die eer om te preek,

dat ons van u naam en u wil kan spreek.

Ons dank u vir hoop wat u Koninkryk bied;

ons sien binnekort hoe u wil geskied.