Rolmodel—Job

Job se wêreld word heeltemal onderstebo gekeer. Eerstens verloor hy alles waaruit hy ’n bestaan gemaak het. Tweedens sterf sy kinders. Derdens word hy baie siek. Dit alles gebeur vinnig en sonder waarskuwing. Job is heeltemal moedeloos en sê: “My siel het beslis ’n weersin in my lewe.” Hy sê dat hy “oorversadig van oneer en deurdrenk van ellende” is (Job 10:1, 15). Maar ten spyte van al hierdie teëspoed weier Job om sy rug op sy Skepper te draai (Job 2:10). Die veranderinge in sy lewe verander hom nie. Daarom is Job ’n voorbeeld van volharding.

Wanneer jy probleme ondervind, voel jy dalk ook dat jy ‘’n weersin in jou lewe het’, oftewel jou lewe haat. Nogtans kan jy, soos Job, wys dat veranderinge jou nie verander nie, dat jy vasbeslote is om Jehovah God te dien. Jakobus het geskryf: “Kyk! Ons noem dié wat volhard het gelukkig. Julle het gehoor van die volharding van Job en het gesien hoe Jehovah dit laat afloop het, dat Jehovah baie teer in geneentheid en barmhartig is” (Jakobus 5:11). Hy was besorg oor Job en hy is besorg oor jou!