1 Tessalonisense

1 Paulus en Silvaʹnus+ en Timoʹteus+ aan die gemeente van die Tessalonisense in eenheid+ met God die Vader en die Here Jesus Christus:

Mag julle onverdiende goedhartigheid en vrede hê.+

2 Ons dank God altyd wanneer ons van julle almal melding maak in ons gebede,+ 3 want ons dink onophoudelik aan julle getroue werk+ en julle liefdevolle arbeid en julle volharding weens julle hoop+ op ons Here Jesus Christus voor ons God en Vader. 4 Want ons weet, broers vir wie God lief is, dat hy julle uitgekies het,+ 5 omdat die goeie nuus wat ons verkondig, nie met woorde alleen tot julle gekom het nie, maar ook met krag+ en met heilige gees en sterk oortuiging,+ net soos julle weet watter soort mense ons om julle onthalwe vir julle geword het;+ 6 en julle het navolgers+ van ons en van die Here+ geword, aangesien julle die woord onder groot verdrukking+ met vreugde van die heilige gees aangeneem het,+ 7 sodat julle ’n voorbeeld vir al die gelowiges in Masedoʹnië en in Agaʹje geword het.

8 Ja, nie net het die woord van Jehovah+ van julle af in Masedoʹnië en Agaʹje weerklink nie, maar op elke plek het julle geloof+ in God oral bekend geword,+ sodat ons nie nodig het om enigiets te sê nie. 9 Want hulle self hou aan vertel van die manier waarop ons aanvanklik onder julle ingegaan het en hoe julle julle van julle afgode+ tot God gekeer het om ’n lewende+ en ware+ God as slawe te dien 10 en om te wag+ op sy Seun uit die hemele,+ wat hy uit die dode opgewek het,+ naamlik Jesus, wat ons verlos van die komende gramskap.+