ADECH 3

Kwo Oido Chale Nedi i Ndelo ma Eden?

Jehova omiyo Adam kodi Eva gikipiny mabeyo kweth. Chakirok 1:28

Jehova ochweyo Eva tomiyo Adam dhako no bedo chiege

Jehova ochweyo dhako motelo milwoŋo ni Eva, to miyo Adam dhako no wobedi chiege.—Marko 10:6, 7.

Jehova ochweyo jo munyo joni gi paro kanyachiel gi kwo maber, jokobedo gi teko moro jye.

Adam gi Eva jonitye i pecho pa jo ma Eden

Pecho pajo maŋon oido ilwoŋo ni ndelo ma Eden—jwom, yen manyak girachama kodi ogwange jye oido nitye kanyago.

Jehova oido luwo gi jo kanyachiel gi fuonjo jo; bedi jowinjo go di jobedo i piny ka chil gi chil.

Were ochiero jo chamo kwoŋ yath achiel. Chakirok 2:16, 17

Yath mobedo i ndelo ma Eden ma Were ochiero Adam kodi Eva chamo

Malaika achiel ochayo Were. Malaika marach no ilwoŋo ni Sitan.

Malayika marach milwoŋ ni Sitan oro thwol luwo kodi Eva

Jehova onyutho Adam kodi Eva yath achiel mobedo i ndelo ma Eden to wacho ri jo ni ka jochamo kwoŋ yath no jobino tho.

Sitan komito ni Adam kodi Eva jowinji Jehova. Ri ameno munyo oro thwol, Sitan owacho ri Eva ni ka jochamo kwoŋ yath no jokiletho, kwanyo woko jolebedo paka Were. To meno obedo twodo.—Chakirok 3:1-5.