Jowinjo Sitan​—Ginaŋo Mowok’iye?

Adam kodi Eva jokowinjo Were, amomiyo jotho. Chakirok 3:6, 23

Eva owinjo thwol to chamo kwoŋ yath ma Were ochiero jo. Rumachien to miyo Adam bende to chamo.

Gima jotimo kobedo gimotire​—obedo gimarach. Were oryemo jo i ndelo ma Eden.

Kwo obedo ri jo matek kanyachiel gi nyithindho pajo. Joti to jotho. Ongoye kama jokidh’iye; kwo pajo orumo kichutho.

Paka fukefuke ongoye gi kwo, jomotho bende jongoye gi kwo. Chakirok 3:19

Watho rupiri wajojye wabedo nyikway Adam gi Eva. Jomotho jokinyal neno kosa winjo kosa timo gimoro jye. Jochale pa dhano ma nindo.​—Yohana 11:11-15.

Tho kobedo atoŋa pa Were ri ji. Jehova chiegin chierino jomotho. Ka jowinji go, jobino limo kwo makirum.